सोलापुरात काँग्रेसच्या ‘ युवराज’ला मिळाला अनेक वर्षानंतर न्याय
सोलापूर शहर काँग्रेस विमुक्त जाती व भटक्या जमाती (VJNT ) विभागाच्या शहराध्यक्ष पदी युवराज जाधव यांची निवड करण्यात आली, त्यांचे निवडीचे पत्र खासदार प्रणिती शिंदे यांच्या हस्ते प्रदान करण्यात आले. मागील अनेक वर्षापासून युवराज जाधव हे काँग्रेस पक्षामध्ये प्रामाणिक आणि एकनिष्ठपणे काम करत आहेत आमदार प्रणिती शिंदे यांच्या तीनही विधानसभा निवडणुकांमध्ये आपल्या भागातून जाधव यांनी चांगले मताधिक्य दिले होते.
माजी केंद्रीय गृहमंत्री सुशीलकुमार शिंदे, खासदार प्रणिती शिंदे, सोलापूर शहर काँग्रेसचे अध्यक्ष चेतन नरोटे यांच्या शिफारशीनुसार महाराष्ट्र प्रदेश काँग्रेस विमुक्त जाती व भटक्या जमाती (VJNT ) विभागाचे अध्यक्ष अँड पल्लवी बाळकृष्ण रेणके यांनी सोलापूर शहर काँग्रेस विमुक्त जाती व भटक्या जमाती (VJNT ) विभागाच्या अध्यक्षपदी युवराज जाधव यांची निवड केली आहे.
यावेळेस डी ब्लॉक अध्यक्ष देवा गायकवाड, दक्षिण सोलापूरचे नेते सुरेश हसापुरे, कैकाडी समाज मा. अध्यक्ष गोपाळ नंदुरकर, प्राध्यापक भोजराज पवार, प्रदेश सरचिटणीस सुभाष चव्हाण, VJNT जिल्हाध्यक्ष लक्ष्मण भोसले, प्रदेश सचिव भीमराव बंडगर, टकारी समाज सरपंच नारायण जाधव, प्रदेश संघटक मल्लेश सूर्यवंशी, माजी डी ब्लॉक अध्यक्ष संजय गायकवाड, VJNT महिला शहराध्यक्ष अंजली मंगोडेकर, माजी सरपंच पांडू पवार, विजय जाधव, अनिल जाधव, ज्ञानेश्वर जाधव, बालाजी जाधव, समीर विजापुरे, पप्पू गारे, VJNT महा सचिव मोतीराम चव्हाण, सुरेश गायकवाड, अंबादास जाधव गोविंद सिंग शिकलगार, चंद्रकांत लोंढे, श्रीकांत सकट, देवा सोनवणे, धैर्यशील बाबरे, शंकर लोखंडे, विवेक जाधव यांच्यासह इतर पदाधिकारी उपस्थित होते.
