दोन्ही कानाखाली देऊन मटणाची उकळती भाजी फेकली अंगावर ; सोलापूर एस टी स्टँड मधील प्रकार
सोलापूरच्या एसटी स्टँड मधील रेस्ट रूम मध्ये वादाचा प्रकार घडला असून एकाला मारहाण करून त्याच्या अंगावर मटणाची उकळती भाजी फेकून जखमी केल्याने संबंधित इसमाविरोधात फौजदार चावडी पोलीस ठाण्यात गुन्हा दाखल झाला आहे. 25 एप्रिल रोजी रात्री ही घटना घडली होती त्याचा गुन्हा तीन मे रोजी दाखल झाला आहे.
कुंदन विजय डांगे, रा. गोलेगाव, ता. लोहा, जि. नांदेड याच्यावर गुन्हा दाखल करण्यात आला असून पिराजी बाबुराव गिते, वय ४१ वर्षे, रा. मु. कासुर्डी, खेडेवाडे, ता. भोर. जि पुणे यांनी फिर्याद दिली आहे.
25 एप्रिल रोजी रात्री साडेनऊच्या सुमारास सोलापूर येथील रेस्ट रुम मध्ये जेवण करण्यासाठी फिर्यादी व सहकारी बसले असता आरोपीत हा बाहेरुन आला. त्यावेळी फिर्यादी त्यास इतके वेळ कोठे गेला होता असे विचारणा केली असता, तु कोण मला विचारणारा तु काय माझा मालक आहे का? असे तो म्हणाला. फिर्यादी त्यास समजावून सांगत असताना “तू माझ्या बापापर्यंत जातो का”असे म्हणून शिवीगाळ केली. तसेच फिर्यादी खाली बसले असता आरोपीताने दोन्ही हाताने फिर्यादीचे दोन्ही कानावर जोरात चापट मारली तसेच आज मटणाची भाजी कसे खाताय बघतोय असे म्हणून रुमालने भाजीचे भांडे फिर्यादीचे दिशेन टाकताना फिर्यादी उजव्या हाताने बचाव करताना गरम भाजी फिर्यादीचे उजव्या हातावर छातीवर व पाठीवर भाजुन गंभीर जखमी केले आहे. तपास फौजदार पाटोळे हे करीत आहेत.
