समर्थांच्या प्रकट दिनानिमित्त जुळे सोलापुरात भक्तांची मांदियाळी ; हजारो भाविकांनी घेतला महाप्रसादाचा लाभ
श्री जागृत स्वामी समर्थ मंदिर समर्थ नगर जुळे सोलापूर येथे श्री स्वामी समर्थ यांच्या प्रकट दिनानिमित्त आयोजित करण्यात आलेल्या कार्यक्रमाला हजारो भाविकांची मांदियाळी पाहायला मिळाली.
सकाळी कलश मिरवणूक काढण्यात आली. त्यानंतर तीर्थ येथील बसवराज शास्त्री यांच्या व शिवानंद स्वामी करजगी यांच्या आशीर्वादाने होम हवन करण्यात आले.
त्यानंतर बारा वाजता स्वामींची आरती व पाळणा कार्यक्रम मोठ्या उत्साहात संपन्न झाला. बारानंतर आलेल्या भक्तांसाठी महाप्रसादाचे आयोजन करण्यात आले होते. या सोहळ्याला सुमारे दहा ते पंधरा हजार भालविक भक्तांनी उपस्थिती लावली व महाप्रसादाचा आनंद घेतला.
या सोहळ्याला माजी आमदार दिलीप माने, सभागृह येथे नरेंद्र काळे, उपमहापौर ज्ञानेश्वरी देवकर, डॉक्टर योगेश राठोड, पोलीस निरीक्षक शितल गायकवाड, सेडाचे जितेंद्र राठी व सर्व सदस्य यांच्यासह सर्व क्षेत्रातील मान्यवरांची मोठी उपस्थिती लाभली.
सायंकाळी चार ते आठ भजनाच्या कार्यक्रमाचे आयोजन करण्यात आले होते. अष्टभुजा भजनी मंडळ, श्री गणेश भजनी मंडळ, रुक्माई भजनी मंडळ, सारंगी भजनी मंडळ, स्वरांजली महिला भजनी मंडळ यांनी सहभाग नोंदवला.सायंकाळी सात नंतर लक्ष दीपोत्सव आणि आर्थिक कार्यक्रम झाला. या कार्यक्रमाचे यशस्वी आयोजन वैशाली चंद्रकांत शहापुरे चंद्रकांत शहापुरे युवराज राठोड यांनी केले होते.
