दहा हजाराची लाच घेताना सोलापूर महापालिकेचा लिपिक अँटी करप्शनच्या जाळ्यात
सोलापूर : निवृत्त कर्मचाऱ्यांचे पेन्शन, फंड व इतर शासकीय रकमा मंजूर करून देण्यासाठी दहा हजार रुपयांची लाच घेताना सोलापूर महानगरपालिकेतील कनिष्ठ श्रेणी लिपिकास लाचलुचपत प्रतिबंधक विभागाने रंगेहात पकडले की कारवाई मंगळवार रोजी दुपारच्या सुमारास झाली.
पंकज जगन्नाथ महाले, वय ३२ वर्षे, पद कनिष्ठ श्रेणी लिपीक, सार्वजजिक आरोग्य विभाग, महानगरपालिका सोलापूर वर्ग- ३ सध्या. रा. प्रवीण जाधव यांचे घरी भाडयाने जुनी पोलीस लाईल जवळ, निराळे वस्ती सोलापूर मुळ रा. मुपो. देहेरी उंबरपाडा ता. जव्हार जि. पालघर असे त्या क्लार्कचे नाव आहे.
यातील तक्रारदार यांचे वडील सार्वजनिक आरोग्य विभाग, महानगरपालिका सोलापूर येथे बिगारी म्हणून नोकरीस होते. ते ३१.०५.२०६ रोजी सेवानिवृत्त झाले. त्यांचे सेवानिवृत्ती नंतर मिळणारे पेन्शन, फंड, व इतर शासकीय रक्कमा मंजुर करुन देणेसाठी तक्रारदार यांनी त्यांचे वडिलांनी ०९.०६.२०२६ रोजी अर्ज केला होता. तक्रारदार हे सदर अर्जा बाबत पाठपुरावा करिता असताना कनिष्ठ लिपिक महाले, यांनी तक्रारदार यांचेकडे १०, ००० रुपये लाचेची मागणी करुन यापूर्वी ६,००० रुपये लाचेची रक्कम स्वीकारली होती. आज रोजी लोकसेवक महाले, कनिष्ठ श्रेणी लिपीक यांनी उर्वरित ४००० रुपये लाचेची रक्कम मागणी केली असल्याने तक्रारदार यांचे तक्रारीवरुन क्लार्क महाले यांची पंचा समक्ष पडताळणी केली असता त्यांनी ४००० रुपये लाचेची मागणी केल्याचे निष्पन्न झाले. त्यावरुन करण्यात आलेल्या सापळा कारवाई दरम्यान क्लार्क महाले यांनी तक्रारदार यांच्याकडून ४००० रू लाचेची रक्कम स्वतः स्वीकारली आहे.
