“कितने लंबे हो कलेक्टर साहेब”, प्रधानमंत्री नरेंद्र मोदी यांचा कुमार आशीर्वाद यांच्याशी संवाद ; मोदींचे हावभाव पहा या फोटोतून
सोलापूर : देशाचे प्रधानमंत्री नरेंद्र मोदी हे शुक्रवारी सोलापूर दौऱ्यावर येऊन गेले केवळ सहा दिवसात या दौऱ्याचे नियोजन करावे लागले होते या नियोजनात जिल्हाधिकारी कुमार आशीर्वाद यांचा अतिशय महत्त्वाचा वाटा ठरला. त्यांच्या अंगात 102 डिग्री ताप असतानाही त्यांनी या नियोजनात कुठेही कमीपणा दिसू दिला नाही.
जेव्हा कुंभारी येथील रे नगर कार्यक्रम स्थळी प्रधानमंत्री मोदी यांचे आगमन झाले त्यावेळेस प्रोटोकॉल प्रमाणे सोलापूरचे जिल्हाधिकारी कुमार आशीर्वाद हे ही स्वागताला थांबले होते जेव्हा नरेंद्र मोदी हे जिल्हाधिकारी आशीर्वाद यांच्या जवळ आले तेव्हा आशीर्वाद यांनी त्यांना प्रणाम केला.
याचवेळी जिल्हाधिकाऱ्यांची उंची पाहून “कितने लंबे हो कलेक्टर साहेब” असा प्रश्न मोदी यांनी केला.
जिल्हाधिकाऱ्यांनी “सहा फूट तीन इंच” असे सांगितले तेव्हा मोदी यांनी परत “कुछ खेलते वेलते हो की नही”असे विचारले, तेव्हा “सर, बास्केटबॉल आणि हॉलीबॉल” असे जिल्हाधिकाऱ्यांनी उत्तर दिले. “बहुत बढीया खेलना चालू रखिएगा” असे मोदी म्हणतात आशीर्वाद यांनी जी सर हे उत्तर दिले.
