सोलापूर : स्वातंत्र्याचा अमृत महोत्सव देशात साजरा होत आहे. हा अमृत महोत्सव यादगार व्हावा या अनुषंगाने पंतप्रधान नरेंद्र मोदी यांनी हर घर तिरंगा हा उपक्रम राबविण्याचे ठरवले आहे. त्याची प्रचार प्रसिद्धी देशात सुरू आहे. सोलापूर ही यात कुठे मागे पडला नाही. जिल्हाधिकारी कार्यालय, जिल्हा परिषद यांच्यावतीने विविध सांस्कृतिक कार्यक्रम राबविले जात आहेत.
सोलापूरच्या जिल्हाधिकारी कार्यालयात घरोघरी तिरंगा या उपक्रमाच्या प्रचारासाठी तिरंगा सेल्फी पॉईंट कार्यालयाच्या आवारात ठेवण्यात आला आहे. त्यात फोटो काढण्यासाठी अभ्यागतांची झुंबड उडाली असल्याचे चित्र पहायला मिळतंय. इथं येणारा प्रत्येक नागरिक फोटो घेतल्याशिवाय जात नसल्याचे बुधवारी पहायला मिळाले.
