सोलापूरचा माणूस नागपुरात बसलाय, काळजी करू नका ; ‘ स्ट्रिक्ट’ कुमार आशीर्वाद यांना सोलापूरकरांचा हॅपी निरोप
सोलापूर : तत्कालीन जिल्हाधिकारी कुमार आशीर्वाद यांची नागपूरच्या जिल्हाधिकारी पदी बदली झाल्यानंतर तब्बल दोन महिन्यांनी आशीर्वाद यांना सोलापूर जिल्हा प्रशासनाने हॅपी निरोप दिला. अन् नवे स्माईली जिल्हाधिकारी कार्तिकेयन यांचे स्वागत ही केले. जिल्हा नियोजन समितीच्या मीटिंग हॉल मध्ये हा निरोप आणि स्वागत समारंभ पार पडला.
या निरोप समारंभाला मुख्य कार्यकारी अधिकारी कुशल जैन, अप्पर जिल्हाधिकारी गणेश निरहाळी, निवासी उपजिल्हाधिकारी अभिजीत पाटील, प्रांताधिकारी सदाशिव पडदुने, सुमित शिंदे, उपजिल्हाधिकारी संतोष देशमुख, प्रांताधिकारी सीमा होळकर, उपजिल्हाधिकारी अंजली मरोड, प्रांताधिकारी विजया पारंगकर, जिल्हा नियोजन अधिकारी दिलीप पवार, उपजिल्हाधिकारी चंद्रकांत कासेकर, तहसीलदार नीलेश पाटील, कृषी अधीक्षक शुक्राचार्य भोसले, जिल्हा पुरवठा अधिकारी सरडे, उत्पादन शुक्ल अधीक्षक भाग्यश्री जाधव, महसूल संघटनेचे शंतनु जाधव, जिल्हा माहिती अधिकारी सुनील सोनटक्के, धाराशिवचे जिल्हा नियोजन अधिकारी गोडसे तहसीलदार सैफन नदाफ यांच्यासह अधिकारी कर्मचारी मोठ्या संख्येने उपस्थित होते.
या कौटुंबिक सोहळ्यात भावनिक झालेल्या कुमार आशीर्वादाने सांगितले की गडचिरोली नंतर लातूरची अपेक्षा होती पण मला सोलापूर मिळाले पण तिथल्या लोकांनी सांगितले की गडचिरोली पेक्षा सोलापुरात नक्षल जास्त आहे असे सांगतात सभागृहात हसा पिकला. पण सोलापुरात अतिशय चांगले अधिकारी भेटले आपल्या कामाचे यश आणि अपयश हे सहयोगी अधिकारी आणि कर्मचाऱ्यांच्या कामावर असते, सीना नदीच्या पूराची आठवण करून देताना ते म्हणाले, मी प्रमुख असलो तरी माझे अधिकारी आणि कर्मचाऱ्यांची मेहनत होती, त्यांनीच खरे काम केले. जिल्हाधिकारी कार्तिकीयन आणि मुख्य कार्यकारी अधिकारी कुशल जैन यांना त्यांनी आपल्या प्रशासनात बॅलन्स ठेवा बाहेरून येणाऱ्या अभ्यागतांचे ऐकून घ्या अशा सूचना केल्या. सोलापूरचा एक माणूस नागपुरात बसला आहे त्यामुळे काळजी करू नका तुमच्या सर्व कामांचा पाठपुरावा मी नागपुरात करेल असा शब्द आशीर्वादाने दिला. शेवटी आपले शिपाई, क्लर्क, ड्रायव्हर, बॉडीगार्ड, बंगल्यातील कर्मचारी यांचा आवर्जून उल्लेख करत त्यांनी आभार व्यक्त केले.
जिल्हाधिकारी कार्तिकेयन यांनी तर सर तुम्हीच नेहमी आमचे जिल्हाधिकारी असणार असे सांगत उपस्थितांची मने जिंकली. सोलापूर खतरनाक जिल्हा आहे असे कोल्हापूरकराणी सांगितले होते. मोठा जिल्हा, संवेदनशील जिल्हा आहे, मी कायम आशीर्वाद सरांचे मार्गदर्शन घेतो, मला मोठा भाऊ भेटला, तुम्ही सुरू केलेले सर्व काम मी पूर्ण करणार असा विश्वास व्यक्त केला.
झेडपी सीईओ कुशल जैन म्हणाले,
योगायोग असा की आशीर्वाद सर हे गडचिरोली, नागपूर, यवतमाळ या जिल्ह्यात काम केले तिथेच मला काम करण्याची संधी मिळाली, त्यांचे सहकार्य मला मिळणार आहे.
यावेळी उपस्थित अधिकारी आणि कर्मचाऱ्यांनी आशीर्वाद यांच्या कामाचे कौतुक करताना प्रचंड स्मरण शक्ती आणि मराठी वर चांगली पकड असल्याचे सांगितले. त्यांनी प्रशासकीय कामासह कर्मचाऱ्यांच्या आरोग्याची कुटुंबाची काळजी घेतली, एक ही कर्मचाऱ्यांचे आंदोलन नाही, कुटुंब प्रमुख कसे असावे याचे उत्तम उदाहरण होते. लीडर कसा असावा याचे भारी उदाहरण म्हणजे कुमार आशीर्वाद, एक आशीर्वाद गेले पण कार्तिकेयन यांच्या रुपात दुसरे आशीर्वाद देऊन गेले असे सांगताना आशीर्वाद सरानी आणून ठेवलेली काम कार्तिकेयन सर तुम्ही पूर्ण करावेत अशी अपेक्षा व्यक्त करण्यात आली.
