आनंद चंदनशिवे यांचे केंद्रीय मंत्री रामदास आठवलेंशी तासभर गुफ्तगू ; सोलापुरात राजकीय चर्चेला उधाण
सोलापूर : केंद्रीय सामाजिक न्याय राज्यमंत्री रामदास आठवले हे मंगळवारी सोलापूर दौऱ्यावर येऊन गेले. या दौऱ्यापेक्षा राष्ट्रवादी काँग्रेसचे प्रदेश उपाध्यक्ष आनंद चंदनशिवे यांनी त्यांची रेल्वे मध्ये घेतलेली भेट आणि झालेली तासभर चर्चा याचेच सध्या सोलापूरच्या राजकीय चर्चेला उधाण आले आहे.
रामदास आठवले हे आपला सोलापूर दौरा संपवून रेल्वेने मुंबईला निघाले होते. त्याच रेल्वेत आनंद चंदनशिवे हे सुद्धा मुंबईला जात होते. दरम्यान आठवले साहेब हे याच रेल्वेत आहेत असे समजल्यानंतर चंदनशिवे यांनी त्यांचे आवर्जून भेट घेतली. तब्बल एक तास यावेळी सोलापुरातील आंबेडकरी चळवळ तसेच राजकीय चर्चा झाल्याचे समजले. यापूर्वीही दिल्लीमध्ये चंदनशिवे यांनी रामदास आठवले यांची भेट घेतली होती.
सोलापूर महापालिकेत तब्बल तीन टर्म नगरसेवक राहिल्यानंतर यंदाच्या महापालिका निवडणुकीत चंदनशिवे यांना अपयश आले. जरी राजकीय अपयश आले असले तरी आनंद चंदनशिवे यांची राजकारणात क्रेज टिकून आहे. अजित पवारांचा राष्ट्रवादी काँग्रेसमध्ये असल्याने त्यांच्या सर्व पक्षाशी चांगले संबंध आहेत. पालकमंत्री जयकुमार गोरे, आमदार सचिन कल्याणशेट्टी, आमदार विजयकुमार देशमुख यांच्यासोबत मैत्रीपूर्ण संबंध पाहायला मिळते.
त्याचबरोबर विधानसभेचे उपाध्यक्ष अण्णा बनसोडे, राज्याच्या कृषिमंत्री दत्तात्रय भरणे यांच्याशी तर चंदनशिवे यांचे कौटुंबिक संबंध आहेत.
