ISCCM सोलापूर शाखेची नवीन कार्यकारिणी बिनविरोध
सोलापूर : भारतीय क्रिटिकल केअर मेडिसिन सोसायटी (ISCCM) सोलापूर शाखेच्या २०२५–२०२७ कार्यकालासाठीची नवीन कार्यकारिणी बिनविरोध निवडून आली आहे. ही निवड एकात्मता, व्यावसायिक सुसंवाद आणि शहरातील क्रिटिकल केअर क्षेत्राला नवसंजीवनी देणारी ठरली आहे.
नवीन कार्यकारिणी:
अध्यक्ष: डॉ. निर्मल तापरिया
सचिव: डॉ. रामचंद्र विन्नू
कोषाध्यक्ष: डॉ. योगेश भिमराव राठोड
कार्यकारिणी सदस्य : डॉ. फिरोज सय्यद, डॉ. रोहित आमले, डॉ. रविंद्र गुंडेली, डॉ. योगेश सोमाणी, डॉ. विजय शिवपुजे
निवडणूक अधिकारी डॉ. एस. एम. रुद्राक्षी यांच्या मार्गदर्शनाखाली निवडणूक प्रक्रिया पार पडली. माजी अध्यक्ष डॉ. यतीन जोग, माजी सचिव डॉ. महेंद्र जोशी, माजी कोषाध्यक्ष डॉ. पी. आर. जोशी, आणि माजी अध्यक्ष व मार्गदर्शक डॉ. हर्षवर्धन जोशी यांनी नूतन पदाधिकाऱ्यांना जबाबदाऱ्या सुपूर्त करताना पुढील कार्यकालासाठी महत्त्वाचे कार्यसूत्र आणि उद्दिष्टं स्पष्ट केली.
डॉ. योगेश राठोड यांचा दृष्टिकोन (नवीन कोषाध्यक्ष)
सोलापुरातील सुप्रसिद्ध क्रिटिकल केअर व संसर्गरोग तज्ज्ञ आणि आधार क्रिटिकल केअरचे संचालक, डॉ. योगेश भिमराव राठोड यांनी कोषाध्यक्षपद स्वीकारताना म्हणाले,
“सोलापुरात ISCCM चे व्यापक रूपात संस्थात्मकरण करून अधिकाधिक नवोदित डॉक्टर, रेसिडंट्स आणि विद्यार्थी यांना यात सहभागी करून घ्यायचं आहे. अधिक शैक्षणिक परिषदांचे आयोजन, नवनवीन कोर्सेस, आणि ISCCM चे महत्त्व वाढवण्यासाठी मी पूर्णपणे कटिबद्ध आहे. पारदर्शक आर्थिक व्यवस्थापन, उत्तम कार्यक्रम नियोजन, आणि राष्ट्रीय पातळीवर सोलापूर शाखेची छाप निर्माण करणं हे माझं ध्येय आहे.”
पुढील योजना:
• ISCCM सोलापूरची स्वतंत्र नोंदणी, PAN कार्ड आणि बँक खाते
• CMEs, workshops, mentorship programs, ICU simulations
• विद्यार्थी आणि रेसिडंट्ससाठी Young ISCCM Connect Program
• ICU protocol updates, antimicrobial stewardship, आणि सर्वदूर नेटवर्किंग
• दरवर्षी कमीत कमी २ प्रमुख शैक्षणिक कार्यक्रम आयोजित करण्याचा संकल्प
