सोमनाथ वैद्य यांचा दक्षिण मध्ये अपक्ष उमेदवारी अर्ज दाखल ; जनतेच्या सेवेत 24 तास राहणार
सोलापूर : मागील अनेक महिन्यांपासून दक्षिण सोलापूर विधानसभा मतदारसंघात तयारी केलेले एडवोकेट सोमनाथ वैद्य यांनी आपला अपक्ष उमेदवारी अर्ज निवडणूक निर्णय अधिकारी सुमित शिंदे यांच्याकडे दाखल केला.
यावेळी त्यांच्यासोबत संजय नकाते, अशोक मसरे, सुशांत वैद्य, रामेश्वर वैद्य, राजू काळे, प्रशांत काळे, सिधू काळे, ऍड रविकांत पाटील यांची उपस्थिती होती.
उमेदवारी दाखल केल्यानंतर पत्रकारांशी बोलताना वैद्य म्हणाले, दक्षिण सोलापूरची जनता हाच माझा पक्ष असून जनतेला आता तिसरा पर्याय हवा आहे त्या तो पर्याय मी असून जनतेच्या सेवेत 24 तास राहणार असा विश्वास त्यांनी व्यक्त केला.
