आमदार सुभाष देशमुख यांचा उमेदवारी अर्ज दाखल ; हॅट्रिक करण्याचा विश्वास
दक्षिण सोलापूर विधानसभा मतदारसंघाचे विद्यमान आमदार सुभाष देशमुख यांनी भारतीय जनता पार्टी कडून तिसऱ्यांदा आपला उमेदवारी अर्ज निवडणूक निर्णय अधिकारी सुमित शिंदे यांच्याकडे दाखल केला.
यावेळी देशमुख यांच्यासोबत राष्ट्रवादी काँग्रेसचे शहराध्यक्ष संतोष पवार, भाजपचे शहराध्यक्ष नरेंद्र काळे, रयत क्रांती संघटनेचे दत्तात्रय पवार, भाजप जेष्ठ नेते रामप्पा चिवडशेट्टी हे उपस्थित होते. सोमवारी पुन्हा आमदार देशमुख हे शक्ती प्रदर्शन करत अर्ज दाखल करणार असल्याचे समजले.
आज सकाळच्या सुमारास आपल्या निवासस्थानी सुभाष देशमुख यांना त्यांची नात इविका या चिमुकलीने औक्षण केले यावेळी बापू यांना तिसऱ्यांदा आमदार होण्याच्या तिने शुभेच्छा दिल्या.
माध्यमांशी बोलताना सुभाष देशमुख तिसऱ्यांदा उमेदवारी मिळाल्याबद्दल महायुतीचे आभार मानले.
दक्षिण सोलापूर तालुक्यातील वडापूर बॅरेज बंधारा, देगाव जोड कालवा यासह मंद्रूप एमआयडीसी असे अनेक विकासाची कामे मार्गी लागत आहेत आणि याच विकास कामाच्या जोरावर आपण ही निवडणूक लढवत असल्याचे सांगितले.
