होम मैदानावर जळालेल्या स्मार्ट सिटीच्या पाईपला भोगाव जवळ पुन्हा आग
सोलापूर : सोलापुरात मागील वर्षी होम मैदानावर जळालेल्या स्मार्ट सिटीच्या केबल पाईपला पुन्हा एकदा आग लागली असून लाखोंचे नुकसान झाल्याचं कळतंय.
भोगाव कचरा डेपोच्या जवळ स्मार्ट सिटीच्या कामांसाठी भूमिगत केबल टाकण्यासाठी पाईप ठेवण्यात आले आहेत, त्या पाईपला शनिवारी आग लागली. आग इतकी प्रचंड होती की, त्या धुराचे लोट संपूर्ण शहरात पहायला मिळत होते.
घटनेची माहिती कळताच महानगरपालिकेच्या अग्निशामक दलाच्या दोन गाड्या येऊन पाणी मारण्याचे काम सुरू झाले आहे. कर्मचाऱ्यांकडून आग विझवण्याचे शर्तीचे प्रयत्न सुरू आहेत. या घटनेने लाखो रुपयाचे नुकसान झाल्याची माहिती आहे.
यापूर्वी हे पाईप सोलापूर शहरातील होम मैदानावर ठेवण्यात आले होते त्यावेळी या पाईपला असेच दुपारी अचानक आग लागली, मोठ्या प्रमाणात पाईप जळून नुकसान झाले होते सात ते आठ अग्निशामक दलाच्या गाड्यांनी पाणी मारून ती आग विझवली होती यावेळी परिसरातील युवकांनी अग्निशामक दलाला मदत केल्याचे पाहायला मिळाले.
