जालन्याचे आमदार राजेश राठोड यांनी घेतली युवराज राठोड यांची भेट ; राठोड यांच्या भुमिकेकडे लक्ष
जालना विधान परिषदचे आमदार राजेश राठोड हे सोलापूर दौऱ्यावर आले असता त्यांनी सोनाई फाउंडेशनचे संस्थापक अध्यक्ष, आधार ग्रुप ऑफ हॉस्पिटलचे चेअरमन युवराज राठोड यांची सदिच्छा भेट घेतली.
यावेळी आई प्रतिष्ठानचे प्रकाश भाऊ राठोड, अनिल चव्हाण, अक्कलकोटचे चंद्रकांत राठोड, कवठे तांड्याचे संजय चव्हाण, प्रताप नगरचे अशोक चव्हाण यांची उपस्थिती होती.
मागील काही दिवसांपूर्वी दक्षिण विधानसभा मतदारसंघाचे आमदार सुभाष देशमुख यांनी युवराज राठोड यांची भेट घेतली होती. या लोकसभा निवडणुकीत राठोड यांच्या भूमिकेकडे दक्षिण सोलापूर, जुळे सोलापूर तसेच सैफुल भागातील कार्यकर्त्यांचे लक्ष लागले आहे.
पूर्वश्रमीचे राष्ट्रवादी काँग्रेसचे कार्यकर्ते युवराज राठोड यांनी 2019 ची विधानसभा निवडणूक दक्षिण विधानसभा मतदारसंघातून लढवली होती. त्यामुळे या भागामध्ये त्यांच्या असलेला संपर्क पाहता ते काय भूमिका घेतात याची उत्सुकता लागली आहे.
