श्रीमंत मानाचा कसबा गणपतीचा स्तूत्य उपक्रम ; आरासच्या आंब्याचे आमरस करून वाटले गरजूंना
अक्षय तृतीया निमित्त श्रीमंत मानाचा कसबा गणपती आंबा महोत्सवची आरास करण्यात आली होती. त्या आहारामध्ये आलेल्या आंब्याचे अक्षय तृतीय दिवशी आमरस तयार करून शासकीय रुग्णालयातील रुग्णांच्या नातेवाईकांसाठी उत्सव अध्यक्ष गुरुशांत मोकाशी व त्यांच्या पत्नी गोदावरी मोकाशी यांच्या हस्ते वाटप करण्यात आले.
यावेळी जय हिंद फूड बँकचे विशेष सहकार्य लाभले. या वेळी फूड बँकचे प्रमुख सतीश तमशेट्टी, गिरीराज भोगडे, चिदानंद मुस्तारे, प्रविण वाले, संदीप जोशी, रवी भोगडे, शशांक खुने, पुष्कराज मैत्री, विपुल पुली, शेखर तमशेट्टी, जय तमशेट्टी, गणेश बडगंची आदी मंडळाचे व फूड बँक कार्यकर्ते उपस्थित होते. यावेळी रुग्णांच्या नातेवाईकांना चपाती, भात, आमरस, भाजी अशा भोजनाची व्यवस्था करण्यात आली.
