सोलापूरच्या गंगामाई हॉस्पिटलमधील फिजिओथेरपिस्ट तरुणी झाली बेपत्ता
सोलापूर : सोलापूर शहरातून तरुण-तरुणी बेपत्ता होण्याचे प्रमाण मधल्या काळात काहीसे कमी झाले होते परंतु आता पुन्हा ते वाढू लागले असे चित्र दिसत आहे. शहरातील प्रसिद्ध अशा गंगामाई हॉस्पिटल मधील फिजिओथेरपिस्ट म्हणून काम करणारी तरुणी बेपत्ता झाल्याची तक्रार पोलीस ठाण्यात दाखल झाले आहे.
बसवराज इरनया स्वामी यांनी सदर बझार पोलीस ठाण्यात तक्रार दाखल केली आहे. त्या तक्रारीमध्ये अर्जदार यांची मुलगी नामे मेनका बसवराज स्वामी वय-23 वर्षे ही दि. 23/01/2024 रोजी सकाळी 11.30 वाजता राहत्या घरातून अर्जदार यांच्या पत्नीस गंगामाई हॉस्पिटल सोलापूर येथे कामानिमित्त जावून दुपारी 14.30 वाजेपर्यंत येते असे सांगून स्वताच्या मोटारसायकल वर राहत्या घरातून निघून गेली.
ती दिलेल्या वेळी घरी परत न आल्याने सदर बेपत्ता मुलीचे वडील व नातेवाईक यांनी गंगामाई हॉस्पिटल व सर्वत्र शोध घेतला असता ती कोठेही मिळून आली नाही. म्हणून मजकूरचा बेपत्ता दाखल आहे.
