‘फोटो ऑफ द डे’ सुशीलकुमार शिंदे यांनी फारूक शाब्दि यांना तर शरद पवारांनी तौफिक शेख खजूर भरवला
सोलापूर : सध्या रमजानचे रोजे सुरु आहेत. त्या पार्श्वभूमीवर सोलापुरात लोकसभेचे वातावरण तापले असून राजकीय नेते रोजा इफ्तारपार्टीला उपस्थिती लावत आहेत. त्यामध्ये काँग्रेस नेते सुशीलकुमार शिंदे हे तर शहरातील बऱ्याच रोजा इफ्तार पार्टीला दिसून येत आहेत.
काँग्रेस पक्षाकडून आमदार प्रणिती शिंदे यांना उमेदवारी मिळाली असून या लोकसभेसाठी एमआयएम हा पक्ष उमेदवार देण्याच्या तयारीत आहे त्यामुळे काँग्रेसचे अडचण होण्याची शक्यता नाकारता येत नाही. दरम्यान याच पार्श्वभूमीवर एका रोजा एकतार पार्टीला काँग्रेस नेते सुशीलकुमार शिंदे आणि एमआयएमचे शहराध्यक्ष फारुक शाब्दी यांची भेट झाली त्यावेळी सुशीलकुमार शिंदे यांनी स्वतः खजूर भरून शाब्दिक यांचा रोजा सोडवला.
एकीकडे असे चित्र असताना दुसरीकडे शाब्दि यांचे राजकीय विरोधक माजी नगरसेवक तौफिक शेख यांनी राष्ट्रवादीचे नेते शरद पवार यांची भेट घेतली. त्या ठिकाणी शरद पवारांनी स्वतः खजूर भरून तौफिक शेख यांचा रोजा सोडवला सध्या हे दोन्ही फोटो सोशल मीडियावर व्हायरल होत आहेत.
