‘भाई किसी का फोकट में कौतुक नहीं करने का’ ! लाडक्या लेकाच्या कौतुक सोहळ्यात तौफिक शेख विसरले…….
शरदचंद्र पवार राष्ट्रवादी काँग्रेसचे सोलापूर शहर कार्याध्यक्ष तौफिक शेख यांनी आपले चिरंजीव अदनान शेख यांचा वाढदिवस मोठ्या उत्साहात सोलापुरात साजरा केला. लाडक्या लेकाच्या कौतुक सोहळ्यात तौफिक शेख हे महाविकास आघाडीतील घटक आहेत हेच विसरून गेल्याचे पाहायला मिळाले.
तौफिक शेख हे नई जिंदगी भागातील नगरसेवक होते त्या भागात त्यांनी आपलं वर्चस्व निर्माण केले आहे. परंतु ते शहर मध्य या मतदारसंघातून विधानसभा निवडणुकीसाठी इच्छुक आहेत त्यासाठी त्यांनी आपल्या पक्षाच्या नेत्याची मध्यंतरी वादही घातल्याचे पाहायला मिळाले. पण आपल्या मुलाचा वाढदिवस त्यांनी नई जिंदगी भागातच का साजरा केला? त्या ठिकाणी साजरा करण्यामागील उद्देश काय? स्वतः मध्य मध्ये इच्छुक असताना ते तिकडे कसे काय गेले? यावरून आता प्रश्न उपस्थित होत आहेत.
या वाढदिवसाच्या कार्यक्रमाला त्यांनी दक्षिण सोलापूर तालुक्यातील विविध पक्षातील इच्छुकांना निमंत्रण दिले. त्यामागील त्यांचा उद्देश नेमका काय होता असेही बोलले जात आहे. काँग्रेसचे महादेव कोगणुरे, उद्धव बाळासाहेब ठाकरे गटाचे जिल्हाप्रमुख अमर पाटील, आपल्या सामाजिक कार्यातून दक्षिण मध्ये आपली ओळख निर्माण करत असलेले इच्छुक उमेदवार सोमनाथ वैद्य हे तिघेही यावेळी उपस्थित होते. तौफिक शेख यांनी या तिघांचेही कौतुक केले, त्यामध्ये सर्वाधिक कौतुक केले ते म्हणजे सध्या सर्वाधिक खर्च करत असणारे सोमनाथ वैद्य यांचे. त्यांना तर तौफिक शेख यांनी थेट दक्षिणमधून तुतारी घेऊन लढावे असे बोलून कौतुकांचा वर्षाव केला. अदनान शेख यांचा वाढदिवसाचा सत्कार सोमनाथ वैद्य यांच्या हस्ते करण्यामागील पैलवान यांचा उद्देश काय होता? असा प्रश्न उपस्थित होतो
या कार्यक्रमाच्या अडून तौफिक शेख यांनी दक्षिण विधानसभा मतदारसंघातील इच्छुकांमध्ये आपलं महत्त्व वाढवल्याचं दिसून आले आहे. हा कार्यक्रम मध्य मध्ये सुद्धा आयोजित करता आला असता परंतु शेख बंधू यांनी दोन्ही मतदार संघात आपले महत्त्व वाढवण्यास सुरुवात केली आहे.
