सुधीर खरटमल यांच्या जोडीला 9 प्रांतिक सदस्य, 3 जनरल सेक्रेटरी, 29 उपाध्यक्ष, 19 सरचिटणीस ; कायम निमंत्रित कोण पहा
सोलापूर शरदचंद्र पवार राष्ट्रवादी काँग्रेसची जंबो शहर कार्यकारिणी बुधवारी शहराचे अध्यक्ष सुधीर खरटमल यांनी जाहीर केली. या कार्यकारिणी मध्ये 9 प्रांतिक सदस्य, 3 जनरल सेक्रेटरी, 1 खजिनदार, 29 शहर उपाध्यक्ष, 19 सरचिटणीस, 17 चिटणीस, 10 कार्यकारीणी सदस्य आणि 11 कायम निमंत्रित अशी 102 जणांची मोठी कार्यकारिणी जाहीर करण्यात आली.
या पत्रकार परिषदेला महेश कोठे, यू एन बेरीया, भारत जाधव, जनार्दन कारमपुरी, मनोहर सपाटे, शंकर पाटील, चंद्रकांत पवार, प्रशांत बाबर यांची उपस्थिती होती. मागील महिन्याभरात अध्यक्ष खरटमल यांनी राजीनामा दिल्याने गोंधळ उडाला होता पण पक्षाचे प्रदेशाध्यक्ष जयंत पाटील यांनी खरटमल यांनाच अध्यक्ष पदावर कायम राहण्याच्या सूचना केल्या त्यानंतर लगेच दुसऱ्या दिवशी पत्रकार परिषद झाली आणि कार्यकारिणी जाहीर करण्यात आली.
