उच्चशिक्षित आ प्रणिती शिंदेंना लोकसभेत पाठवा – प्रा काकासाहेब कुलकर्णी यांचे आवाहन
![](http://sinhasan.co.in/wp-content/uploads/2024/04/IMG-20240402-WA0060.jpg)
सोलापूर – सोलापूर लोकसभा निवडणुकीच्या अनुषंगाने शेळगी परिसरामध्ये राहि मंगल कार्यालय येथे नियोजन बैठकीचे आयोजन करण्यात आले होते. या बैठकीला राष्ट्रवादी काँग्रेस पार्टी शरदचंद्र पवार गटाचे नेते व सोलापूरचे माजी महापौर महेश कोठे, महाराष्ट्र प्रदेश काँग्रेस कमिटीचे प्रदेश प्रवक्ते प्रा.काकासाहेब कुलकर्णी, सोलापूर महानगरपालिका स्थायी समितीचे माजी सभापती केदार उंबरजे, ई ब्लॉक काँग्रेस कमिटीचे अध्यक्ष उदय चाकोते आदी व्यासपीठावर उपस्थित होते.
सोलापूर शहर मध्ये मध्ये तीन वेळा सलग आमदार असणाऱ्या प्रणिती ताई शिंदे या विकास कामासाठी ओळखले जातात. सोलापूरची बेरोजगारी हटवण्यासाठी सोलापूरचा विकास साधण्यासाठी उच्चशिक्षित व विधिमंडळातल्या कामाचा दांडगा अनुभव असणाऱ्या प्रणिती ताईंना मोठ्या मताधिक्यांनी लोकसभेत पाठवण्याचे आवाहन तसेच मागील दहा वर्षापासून भारतीय जनता पार्टीच्या दोन्ही खासदारांच्या कामगिरीवर सडकून अशी टीका प्रा कुलकर्णी यांनी केली.
यावेळी महेश कोठे यांनी बुध यंत्रणा सक्षम करण्याबाबत मार्गदर्शन केले. तसेच येणारे निवडणुकीत काम न करणाऱ्या भाजपाला घरी बसवण्याचे आवाहन देखील केले.
यावेळी ब्लॉक काँग्रेस कमिटीचे अध्यक्ष उदय चाकोते यांनी काँग्रेसचे उमेदवार प्रणित ताईंना मोठ्या मतांनी विजयी करण्याची विनंती केली.
यावेळी युवा नेते हुसेन बागवान, साबीर इनामदार, मोसिन इनामदार महेश पटणे, यांच्यासह मित्र नगर शेळगी दहिटणे परिसरातील नागरिक मोठ्या संख्येने उपस्थित होते.