अजित पवारांनी मैत्री जपली ; दिलीप मानेंच्या फॉर्म हाऊसवर खाल्ला मनसोक्त हुरडा, घेतले भोजन
सोलापूर : अजित पवार राज्याचे उपमुख्यमंत्री, राष्ट्रवादी काँग्रेसचे राष्ट्रीय अध्यक्ष अन् दिलीप माने माजी आमदार पण सध्या कोणत्याही पक्षात नसलेले. अजित पवार व दिलीप माने यांची मैत्री कायम आहे हे शनिवारच्या हुरडा पार्टी वरून पहायला मिळाले.
हे पण वाचा : अजित पवारांची मनधरणी करण्यात चंदनशिवे अपयशी ; दादा गटबाजीला वैतागले !
माजी आमदार दिलीप माने यांनी काँग्रेस पक्ष सोडल्यानंतर शिवसेनेत प्रवेश केला होता, सेनेकडून विधानसभा निवडणूक लढवली, त्यात अपयश आले. तेव्हापासून ते राजकारणापासून दूर आहेत. ते राष्ट्रवादी काँग्रेस मध्ये जातील अशी चर्चा काही महिन्यांपूर्वी होती, नंतर पुन्हा दक्षिण सोलापूर मतदारसंघातून त्यांनी तयारी सुरू केली आहे. सुशीलकुमार शिंदे यांच्या सोबत ते काही कार्यक्रमाला दिसून आले आहेत.
दरम्यान अजित पवारांचा शनिवारी शहराचा दौरा झाला, या दौऱ्यात रात्री साडे आठ वाजता दिलीप माने यांच्या तिऱ्हे इथल्या फॉर्म हाऊसवर भेट असा वेळ देण्यात आला होता, रात्रीची भेट त्यामुळे भोजन निश्चित होते. हुर्ड्याचे सिजन असल्याने हुरडा ही ठेवण्यात आला होता.
सुरुवातीला त्यांचे आगमन झाल्या नंतर दिलीप माने व त्यांचे चिरंजीव पृथ्वीराज माने यांनी दादांचे स्वागत केले. अजित पवार व सुनील तटकरे यांनी मनसोक्त पणे हुरडा खाल्ला, गुळभेंडी हुरडा असल्याने त्याच्या चवीचे कौतुक केले. यावेळी माने यांच्या साखर कारखान्याची विचारपूस पण केली. दिलीप माने यांनी या स्नेहभोजनाला राष्ट्रवादीच्या शहर व जिल्ह्यातील बहुतांश प्रमुख सर्वच नेत्यांना निमंत्रण दिले होते.