राष्ट्रवादीच्या कार्याध्यक्ष उज्वला पाटील यांचा अनोखा उपक्रम ; ट्रक व रिक्षा चालवणाऱ्या महिलांचा केला सन्मान
सोलापूर : 8 मार्च जागतिक महिला दिन संपूर्ण देशभरातच वेगवेगळे कार्यक्रम राबविले जातात. विविध क्षेत्रात कार्य करणाऱ्या महिलांचा त्यादिवशी सन्मान केला जातो. अजित पवार गटाच्या राष्ट्रवादी काँग्रेसच्या महिला जिल्हा कार्याध्यक्ष उज्वला पाटील यांच्या वतीने मात्र अनोखा उपक्रम राबविण्यात आला.
या कार्यक्रमाला राष्ट्रवादीच्या महिला जिल्हाध्यक्ष वर्षाराणी शिंदे, शहराध्यक्षा संगीता जोगदनकर, माजी जिल्हाध्यक्षा विद्या शिंदे, जिल्हा उपाध्यक्ष नागर चौरे, उत्तर तालुका कार्याध्यक्ष विजया सावंत, तालुका सचिव नयना तोडकरी, तालुका उपाध्यक्ष लक्ष्मी हंडे, जिल्हा सरचिटणीस संगीता पवार, अर्चना पाटील यांच्यासह जिल्ह्यातून आलेल्या महिला पदाधिकारी कार्यकर्त्या मोठ्या संख्येने उपस्थित होत्या.
यावेळी ट्रक चालक राणी पवार, रिक्षा चालक शोभा घंटे, यशस्वी उद्योजिका सुनिता कुंभार, मदतनीस मंगल स्वामी यांचा विशेष सन्मान करण्यात आला.
राज्याचे उपमुख्यमंत्री अजित पवार हे महिला सक्षमीकरणासाठी कायम आग्रही असतात. येणाऱ्या आगामी निवडणुकांमध्ये राष्ट्रवादी काँग्रेस पक्षाची ताकद दिसून आली पाहिजे त्यासाठी महिलांनी संघटित होऊन काम करण्याची गरज असल्याच्या भावना यावेळी महिला पदाधिकाऱ्यांनी व्यक्त केल्या.
