सोलापुर शहराच्या विस्कळीत पाणी पुरवठा सुरळीत करण्याच्या मागणीसाठी सोलापुर शहर युवक काँग्रेसच्या वतीने शहर अध्यक्ष गणेश डोंगरे यांच्या नेतृत्वाखाली सोलापुर महानगरपालिका गेट समोर नाकर्त्या भाजप आणि प्रसाशनाच्या विरोधात बोंबाबोंब करून मटकाफोड़ आंदोलन करण्यात आले.
यावेळी नागरिक त्रस्त, मंत्री उद्घाटनात व्यस्त, नाकर्त्या भाजप सरकारचा निषेध असो, पाणी दया नाही तर खुर्च्या खाली करा, अशा जोरजोरात घोषणाबाजी करण्यात आली.
यावेळी गणेश डोंगरे म्हणाले, भाजप सरकारच्या आणि प्रशासनाच्या दुर्लक्षामुळे, नियोजनशून्य कारभारामुळे गेल्या अनेक महिन्यापासुन सोलापुर शहराचा पाणी पुरवठा विस्कळीत झाला असुन यामुळे नागरिक त्रस्त झाले आहेत. उन्हाळा असल्यामुळे पाण्याची गरज वाढली आहे. पण केंद्रात, राज्यात, आणि महापालिकेत सत्ता असताना भाजपवाल्यांना पाणी पुरवठा नियोजन करता आले नाही. उलट सत्ताधारी भाजपा आमदार आंदोलने आणि मंत्र्याकड़े तक्रार करत आहेत यावरून हेच दिसून येते की यांचा प्रशासनावर वचक नाही. सुशीलकुमार शिंदे यांनी मंजूर करून आणलेल्या दुहेरी पाईपलाइनच्या कामाचे उद्घाटन पंतप्रधान नरेंद्र मोदींनी करून सुद्धा गेल्या अनेक वर्षात त्याचे काम सुरू करता आले नाही. भाजप पदाधिकार्यांच्या टक्केवारीच्या भानगडीमुळे काम सुरु होईना. जनता त्रस्त असताना भाजपचे मंत्री उद्घाटनात व्यस्त आहेत. जनतेच्या प्रश्नांकड़े त्यांचे लक्ष नाही. म्हणून सोलापुरच्या जनतेला त्रास देणाऱ्या नाकर्त्या भाजप सरकार आणि महानगपालिका प्रशासनाच्या विरोधात आज आंदोलन केले आहे. आठ दिवसात पाणी पुरवठा सुरळीत न केल्यास संबधित अधिकाऱ्यांना काळे फ़ासणार आसल्याचे सांगितले.
यावेळी युवक काँग्रेस शहराध्यक्ष गणेश डोंगरे, प्रदेश सचिव श्रीकांत वाडेकर, प्रवीण जाधव, विश्वराज चाकोते, तिरुपती परकीपंडला, उत्तर विधानसभा अध्यक्ष महेश लोंढे, शरद गुमटे, महेंद्र शिंदे, संजय गायकवाड, दाऊद नदाफ, युवराज जाधव, समीर काझी, अशुतोष वाले, धीरज खंदारे, मनोहर चकोलेकर, अजिंक्य पाटील, चंद्रकांत नाईक, बबलू जाधव, यासीन शेख, शिवराज कोरे, किरण राठोड, ओंकार पवार, निखिल पवार, गणेश देवसानी, आकाश भोसले व इतर पदाधिकारी मोठ्या संख्येने सहभागी होते.
