सोलापूर : शहरात मोदी लाट आलेली असताना देखील शहराचा मोठा परिसर असलेल्या रामवाडी, सेटलमेंट या भागातून नागेश गायकवाड यांना तीन वेळा तर सुपुत्र किसन जाधव यांच्यासह परिसरातून राष्ट्रवादी काँग्रेस पक्षाचे नगरसेवक निवडून आणणारे लक्ष्मणमामा जाधव हे किंगमेकर ची भूमिका बजावत आहेत, असे प्रतिपादन राष्ट्रवादी काँग्रेस पक्षाचे प्रदेशाध्यक्ष जयंत पाटील यांनी केले.
इच्छा भगवंताची बहुउद्देशीय सामाजिक संस्थेचे संस्थापक- अध्यक्ष लक्ष्मण मामा जाधव यांच्या नागरी गौरव सत्कार समारंभात ते बोलत होते. तत्पूर्वी त्यांनी महापालिकेचे माजी गटनेते किसन जाधव यांच्या संपर्क कार्यालयास भेट दिली आणि तेथेच राष्ट्रवादीचे शहर जिल्हयाचे पदाधिकारी आणि कार्यकर्त्यांची बैठक घेऊन पक्षाच्या कार्याची माहिती घेतली. आगामी महापालिका निवडणुक नियोजन आणि त्यावरील व्यूवरचना या संदर्भात चर्चा केली आणि काही सूचना केल्या.
यावेळी राष्ट्रवादीचे निरीक्षक शेखर माने, शहराध्यक्ष भारत जाधव, प्रदेश सरचिटणीस संतोष पवार, माजी महापौर मनोहर सपाटे, माजी नगरसेवक तौफिक शेख, माजी नगरसेविका लता फुटाणे, महिला शहराध्यक्ष सुनिता रोटे, महिला कार्याध्यक्ष लता ढेरे, युवक अध्यक्ष जुबेर बागवान, प्रशांत बाबर, सुहास कदम, संजू मोरे, करयाप्पा जंगम, बाबुराव संगेपाग, शिवाजी गायकवाड, अंबादास गायकवाड, अल्लाबक्ष सय्यद, समद मिस्त्री, सचिन पवार, सुनीता बिराजदार, विष्णू गांगुल, स्वामी आप्पासाहेब बिलगुडे, अनिकेत पिसे, अरुण रोडगे, दशरथ कसबे आणि संघटनेचे पदाधिकारी उपस्थित होते.
पक्ष स्थापनेपासून पक्षासाठी लक्ष्मणमामांनी शहरातून जे योगदान दिले ते नक्कीच कौतुकास्पद आहे असे सांगून जयंत पाटील पुढे म्हणाले, हलाखीच्या परिस्थितीत त्यांनी पक्षाचे कार्य करत कुटुंबांची ही जडणघडण केली. सध्याही पक्षासाठी मोलाची कामगिरी बजावत आहेत. राष्ट्रवादी काँग्रेस पक्षाचे पूर्वीचे प्रदेशाध्यक्ष बबनराव पाचपुते हे सोलापूर येथे आल्यानंतर त्यांच्या उपस्थितीत आणि सपाटे महापौर असताना शहरातून राष्ट्रवादीची पाच हजार कार्यकर्त्यांची सद्भावना मोटरसायकल रॅली काढली होती. ती पक्षासाठी मोठी फायदेशीर ठरली होती याची दखल राष्ट्रीय अध्यक्ष शरद पवार यांनी घेतल्याची आठवण त्यांनी यावेळी काढली.
कार्यक्रमाचे सूत्रसंचालन राष्ट्रवादीचे माजी गटनेता किसन जाधव यांनी केले. त्यांनी आपल्या प्रास्ताविकात संघटनेची आणि शहरातील कार्याची माहिती विशद केली. मान्यवरांचे स्वागत व सत्कार माजी नगरसेवक नागेश गायकवाड यांनी तर आभार चेतन गायकवाड यांनी मानले. कार्यक्रम यशस्वी करण्यासाठी माऊली जरग, वसंत कांबळे, महादेव राठोड, नागेश वाघमारे, चंदू वाघमारे, सचिन आंगडीकर, ऋषी येवले, अमोल जगताप, किरण शिंदे, नईम अड्डेवाले, अजिंक्य शिंदे, सौरभ पाताळे, सोनू पटेल यांच्यासह आदी पदाधिकारी कार्यकर्त्यांनी प्रयत्न केले.
