साखर पेठ येथील सरस्वती अकॅडमी ऑफ अकौंटन्सी ला सोलापूरातील सर्वोत्तम अकौंटन्सी (कॉमर्स) कोचिंग क्लासचा महाराष्ट्र उद्योग अवॉर्ड प्राप्त झालेला आहे. मराठी चित्रपट प्रसिद्ध अभिनेत्री तेजस्विनी पंडित यांच्या हस्ते सरस्वती अकॅडमी ऑफ अकौंटन्सी चे संचालक प्रा. मल्लिकार्जुन पांडुरंग परळकर यांना प्रमाणपत्र व ट्रॉफी देऊन महाराष्ट्र उद्योग अवॉर्ड हा पुरस्कार देण्यात आला.
हा पुरस्कार सोहळा 15 डिसेंबर, 2023 रोजी पुणे येथे फाईव्ह स्टार हॉटेल टिप टॉप इंटरनॅशनल येथे मोठ्या उत्साहात पार पाडला. यावेळी व्यासपीठावर रिसिल डॉट इन कंपनीचे मुख्य कार्यकारी अधिकारी सुधीर पठाडे आणि अन्य मान्यवर उपस्थित होते.
शैक्षणिक क्षेत्रात अतुलनीय कामगिरी करणाऱ्या संस्थांना महाराष्ट्र उद्योग अवॉर्ड देण्यात येतो. सोलापूरात मागील 14 वर्षापासून सरस्वती अकॅडमी ऑफ अकौंटन्सी च्या माध्यमातून हजारो विद्यार्थ्यांनी अकौंटन्सी चे परिपूर्ण ज्ञान प्राप्त केलेले आहे.
ISO मानांकन प्राप्त सरस्वती अकॅडमी चे संचालक प्रा. परळकर यांना यापूर्वी आदर्श शिक्षक पुरस्कार, आदर्श गुरुवर्य पुरस्कार, पोलीस आयुक्तालय सोलापूर शहर तर्फे प्रशंसापत्र मिळालेले आहे. प्रा. परळकर यांना महाराष्ट्र उद्योग अवॉर्डने सन्मानित केल्यानंतर त्यांच्यावर समाजाच्या सर्व स्तरातून अभिनंदनचा वर्षाव होत आहे.
