सोलापूर शहराच्या पाणी पुरवठ्यासाठी समांतर जलवाहिनीचे काम सुरू आहे, त्या जलवाहिनीच्या जॅकवेलचे बंद पडलेले काम पाहण्यासाठी शनिवारी उजनी भेट दौऱ्याचे नियोजन ठरले, सभागृह नेते शिवानंद अण्णांनी दांडी मारली. मात्र महापौर श्रीकांचना यंनम, महापालिका आयुक्त पी शिवशंकर, विरोधी पक्षनेते अमोल बापू, गटनेते रियाज खरादी, गटनेते चेतन नरोटे, गटनेते आनंद चंदनशिवे, गटनेते किसन जाधव, नगरसेवक गणेश पुजारी, नगरसेवक नागेश भोगडे, पाणी पुरवठा अधिकारी संजय धनशेट्टी, मिस्टर महापौर रमेश यंनम यांची उपस्थिती होती. जॅकवेल ठिकाणी आल्यानंतर पदाधिकारी व नगरसेवकांमध्ये अनेक मजेदार किस्से घडले,
महापौरांसोबत पुढे विरोधी पक्षनेते अमोल शिंदे व रियाज खरादी आले, नंतर सर्व जण गटनेते नरोटे, चंदनशिवे, जाधव यांची वाट पाहत होते, तेवढ्यात केवळ चंदनशिवे व नरोटे हे येताना दिसले, किसन जाधव नव्हते तेवढ्यात मिस्टर महापौर यांनी बापू तुम्ही महाविकास आघाडी तोडली म्हणून डिवचले, शेजारी थांबलेले एमआयएमचे खरादी यांनी मात्र कुठे तोडली या सर्वांना राष्ट्रवादी काँग्रेस मध्येच जायचे आहे की असे बोलून खरे काय ते सांगितले.
समोर उभारलेल्या अमोल बापू व नागेश भोगडे यांच्यात भगव्या झेंड्या वरून चेष्टा मस्करी सुरू झाली, बापू म्हणाले आमचा ओरिजिनल भगवा आहे तुमच्या भगव्याला हिरवं(एमआयएम) देठ आहे, बरोबर की नाही खरादी. लगेच खरादी बरोबर आहे मी तर भाजप सोबत होतो असे सांगताच उपस्थितांमध्ये हशा पिकला.
त्यानंतर महापौर श्रीकांचना यंनम व रियाज खरादी हे चालता चालता वार्ड रचनेवर चर्चा करत होते, एक वार्ड करा म्हणून नोटिफिकेशन आले आहे, पण बातम्या तर दोन सदस्य वार्ड म्हणून येत आहेत, एक वार्डची अडचण येईल दोनचा वार्ड बरा आहे बाई, असे महापौर म्हणाल्या, तेव्हा खरादी यांनी दोनच बरे कुठून तरी संधी मिळेल नाहीतर एक झाल्यास वार्ड हातातून जाईल अशी चर्चा या दोघात रंगली.
आनंद दादा सध्या राष्ट्रवादी काँग्रेस मध्ये जाणार असल्याने अलर्ट आहेत, कायम आजूबाजूला पाहून ते प्रत्येक पावलं सांभाळून उचलत आहेत, उजनी पाहणी वेळी त्यांच्या नजरेस दोन अनोळखी आणि साध्या कपड्यातील युवक पडले, कोण आहेत बघा ते आपल्यातील दिसत नाहीत, आपली शूटिंग घेत आहेत विचारा म्हणून सांगितले
असे म्हणताच त्या दोन मुलांचे फोन चेक केले असता त्यांच्याकडे चर्चेचे शूटिंग मिळाले, त्यांना विचारले असता जॅकवेलचे काम घेतलेल्या मक्तेदारकडे कामाला असल्याचे सांगितले तेव्हा त्यांच्या मोबाईल मधील सर्व चित्रण delete करण्यात आले.
जेवताना नरोटे-चंदनशिवे हे शेजारी बसले होते तेव्हा समोर बसलेल्या किसन जाधव यांनी दादा तुमचे भाऊंशी चांगलंच जुळलंय म्हणताच चेतन भाऊंनी आता दादा आमच्या सोबत आहेत की, म्हणजे राष्ट्रवादीत. यावर दादांनी माझं ठरलं राष्ट्रवादी काँग्रेस मध्ये जायचं, किसन भाऊ आता तुम्ही आमचे नेते, महेश अण्णा, मी, तौफिक शेख यांचे गटनेते तुम्हीच, बघा तुमचं किती डिमांड वाढेल.
