सोलापूर : वयाच्या अवघ्या 24 व्या वर्षी वाघोली (ता. मोहोळ) येथील ग्रामपंचायतीचे बिनविरोध सदस्य पदी निवड झालेल्या विकास वाघमारे यांची नुकतीच भारतीय जनता पार्टीने आपल्या युवा मोर्चाच्या जिल्हा सरचिटणीस पदी निवड केली आहे. भारतीय जनता पार्टीचा युवा आणि अभ्यासू चेहरा म्हणून विकास वाघमारे यांची ओळख आहे. सामान्य कुटुंबातून पुढे आलेले विकास वाघमारे यांनी वयाच्या 17 व्या वर्षांपासून अखिल भारतीय विद्यार्थी परिषदेच्या माध्यमातून विद्यार्थी संघटनेत काम करायला सुरुवात केली होती.
पुढे अभाविपमध्ये सोलापूर शहरातील शिवाजी भाग सहमंत्री, शिवाजी भागमंत्री, सोलापूर शहर कार्यालय मंत्री, जिल्हा प्रसिद्धी प्रमुख, कला मंच शहर प्रमुख, प्रतिभा संगम संचलन समितीमध्ये सदस्य अशा विविध जबाबदाऱ्या पार पाडल्या आहेत. त्यानंतर 2016 मध्ये JNU का सच कार्यशाळेसाठी भोपाळ, उत्तर प्रदेश येथे उपस्थिती लावली होती. त्यानंतर सामाजिक क्षेत्रात त्यांनी सक्रियपणे काम सुरू केले आहे. त्यांना सरचिटणीस पदी निवड केल्यामुळे मोहोळ तालूक्यासह जिल्ह्यात संघटनवाढीसाठी फायदा होणार आहे. विद्यार्थी संघटनेत काम केल्यामुळे त्यांना संघटन बांधणी आणि विविध उपक्रमांचा अनुभव आहे.
लेखन क्षेत्रात विशेष आवड असल्याने राजकारण, सामाजिक व ग्रामीण स्थितीवर प्रामुख्याने सडेतोड लेखन करत असतात. खूप कमी कालावधीत विकास वाघमारे यांनी आपल्या कार्याचा ठसा उमटवला आहे. अभ्यासू आणि सडेतोड भूमिकांमुळे राज्यभरात आपली एक वेगळी ओळख त्यांनी निर्माण केली आहे. राजकारणाचा कोणताही वारसा नसताना केवळ जिद्द, चिकाटी आणि सातत्य यामुळे आज जिल्हा सरचिटणीस पदावर त्यांना संधी मिळाली आहे.
या निवडीनंतर भाजपा पक्षश्रेष्ठी व विविध क्षेत्रातील मान्यवारांसोबतच नागरिकांमधून अभिनंदनाचा वर्षाव होत आहे. मोहोळच्या पश्चिम भागातून सोलापूर जिल्ह्यावर भारतीय जनता पार्टीने दिलेली संधी आगामी काळात आपल्या कामातून अजून ठसा उमटावेल ही अपेक्षा.
भाजपाचा अंत्योदय कल्याणाचा विचार सत्यात उतरवत युवकांची संघटन बांधणी करणार – विकास वाघमारे
माझ्यासारख्या सामान्य कार्यकर्त्याला भारतीय जनता युवा मोर्चामध्ये जिल्हा सरचिटणीस पदावर काम करण्याची संधी दिली आहे. जास्तीत जास्त युवकांना सोबत घेत जिल्ह्यात भारतीय जनता पार्टी पक्ष वाढविण्यासाठी काम करणार आहे. सोबतच अंत्योदय घटकांच्या कल्याणाचा भाजपाचा विचार सत्यात उतरवणार आहे. भारतीय जनता पार्टीमध्ये कायकर्त्यालाच संधी दिली जाते, आज पुन्हा एकदा माझ्यासारख्या कार्यकर्त्याला संधी देऊन हेच सिद्ध झाले आहे. पक्षनेतृत्वाचे धन्यवाद असे मत विकास वाघमारे यांनी बोलताना व्यक्त केले.
