सोलापूर जिल्हा परिषदेचे अतिरिक्त मुख्य कार्यकारी अधिकारी डॉक्टर अर्जुन गुंडे यांची नाशिकला बदली झाली त्यानंतर त्यांच्या जागेवर कोणत्याही अधिकाऱ्याची नियुक्ती देण्यात आली नव्हती, त्यामुळे या पदावर कोण येणार अशी चर्चा होती.
मात्र अपेक्षेप्रमाणे सातारा येथील जिल्हा ग्रामीण विकास यंत्रणेचे प्रकल्प संचालक संतोष धोत्रे यांची सोलापूर जिल्हा परिषदेच्या अतिरिक्त मुख्य कार्यकारी अधिकारी पदावर नियुक्ती करण्यात आली असून धोत्रे हे शुक्रवारी पदभार घेण्याची शक्यता आहे. यापूर्वी संतोष धोत्रे यांनी सोलापूर जिल्हा परिषदेमध्ये ग्रामपंचायत विभागाच्या उपमुख्य कार्यकारी अधिकारी पदावर काम केल्याने त्यांना सोलापूर जिल्ह्याचा चांगला अनुभव आहे.
वैयक्तिक माहिती
श्री संतोष वसंत धोत्रे.
एम. एस. सी. (अँग्री), महात्मा फुले कृषि विद्यापीठ, राहुरी
कार्य अनुभव :
१. महसुल विभागामध्ये एक वर्षे काम सन २००१-२००२
२. परिविक्षाधीन उपमुख्य कार्यकारी अधिकारी, जिल्हा परिषद नाशिक, नगर ३. उपमुख्य कार्यकारी अधिकारी (ग्रामपंचायत) जिल्हा परिषद सोलापूर,
४. उपमुख्य कार्यकारी अधिकारी (ग्रामपंचायत) जिल्हा परिषद धुळे,
५. उपमुख्य कार्यकारी अधिकारी (सामान्य प्रशासन) जिल्हा परिषद सिंधुदुर्ग
६. मंत्रालयामध्ये मा.मंत्री, पर्यावरण, महाराष्ट्र राज्य यांचे खाजगी सचिव म्हणून काम पाहिले (सन २०१३-१४)
७. अतिरिक्त मुख्य कार्यकारी अधिकारी सन २०१५ मध्ये पदोन्नती.
८. अतिरिक्त मुख्य कार्यकारी अधिकारी जिल्हा परिषद जालना (३ वर्षे) औरंगाबाद विभाग. ९. अतिरिक्त मुख्य कार्यकारी अधिकारी जिल्हा परिषद सातारा (३.५ वर्षे) पुणे विभाग.(जिल्हा परिषद सातारा येथे प्रकल्प संचालक या पदाचा अतिरिक्त पदभार सांभाळला.)
सोलापूर येथील कामाचा त्यांना दिर्घ अनुभव आहे. राष्ट्रीय स्तरावर त्यांचे शोधनिबंध प्रसिध्द झाले आहेत. किटकनाशके व फळांवरील अवशेष परिणाम यावर त्यांनी शोधनिबंध लिहिला आहे. २००३-४ मध्ये मगर जिल्हयात काम करीत असताना पाथर्डी येथील पाणी टंचाई आराखडा व त्यांची अंमलबजावणी हा पथदर्शी प्रकल्प ठरला. सोलापूर येथे कार्यरत असताना शासनाने वाढीव पदाचे निर्मिती बाबत नेमणूक आलेल्या राज्यस्तरीय समिती मध्ये त्यांनी काम केले आहे. धुळे येथे पाणी गुणवत्ता व सनियंत्रण या कार्यक्रमाची प्रभावी अंमलबजावणी केल्यामुळे त्यांची राज्य स्तरीय अभ्यास गटात निवड झाली होती. २०१३-१४ मध्ये राजीव गांधी प्रशासकीय अभियाना मध्ये सिंधूदुर्ग जिल्हा परिषदेस प्रथम क्रमांकाचा पुरस्कार मिळाला आहे. जालना येथे जलयुक्त शिवार योजना प्रभावी पणे राबविली आहे. सातारा येथे अतिरिक्त मुख्य कार्यकारी अधिकारी म्हणून काम करत असताना स्वच्छ भारत मिशन ग्रामीण मध्ये सातारा जिल्हा परिषदेला स्वच्छतेचा देशांतील पहिला क्रमांक मिळाला. सातारा जिल्हा परिषेदेचा गौरव देशांचे पंतप्रधान मा. नरेंद्र मोदी यांचे हस्ते करणेत आला. सन २०१९ व २०२०-२१ मध्ये पंडित दिनदयाळ उपाध्याय सशक्तीकरण अभियानात राज्यात प्रथम क्रमांक पटकाविला. माण व खटाव या दुष्काळी भागात जानावरांचे छावणी व दुष्काळ निवारणाचे काम केले आहे.
काम करणेची सकारात्मक पध्दतीमुळे प्रशासकीय कामात गतीमानता आणण्यात अतिरिक्त मुख्य कार्यकारी अधिकारी संतोष धोत्रे यांची ख्याती आहे. काटेकोरपणा, वेळेचे नियोजन व प्रभावी अंमलबजावणी यामुळे श्री धोत्रे यांनी प्रभावीपणे काम केले आहे. त्यांचे सर्वत्र अभिनंदन होत आहे.
