अब की बार दादा आमदार ; युवा मोर्चाने घेतला देवेंद्र कोठेंसाठी युवा निर्धार मेळावा
भारतीय जनता युवा मोर्चाचे प्रदेशाध्यक्ष अनुप मोरे यांच्या प्रमुख उपस्थितीत उपलप मंगल कार्यालयात शहर मध्य विधानसभा युवा मोर्चा वतीने निर्धार मेळावा मोठ्या उत्साहात पार पडला,याप्रसंगी मध्य पूर्व व पश्चिम मंडलाची कार्यकारणी घोषित करून नियुक्ती पत्र प्रदान करण्यात आले.
युवा नेते व वडार समाजाचे युवक अध्यक्ष सुनील साळुंखे यांनी आपल्या शेकडो कार्यकर्त्यांसह भारतीय जनता पार्टीत प्रवेश करत, देवेंद्र कोठे यांना मोठ्या मताधिक्याने विजयी करण्याचा संकल्प घेतला.
कार्यक्रमाची प्रस्तावना भाजयुमो प्रदेश सचिव अक्षय अंजिखाने यांनी केली याप्रसंगी युवा मोर्चाचा प्रत्येक कार्यकर्ता देवेंद्र दादा यांना आमदार करण्यासाठी तत्पर असून,देवेंद्र फडणवीस साहेब व बावनकुळे साहेबांनी भाजपला मध्य विधानसभा जागा देऊन जो विश्वास दाखवला आहे तो आम्ही अनुप दादांच्या मार्गदर्शनाखाली नक्की सार्थ ठरवू असे प्रतिपादन केले.
भारतीय जनता युवा मोर्चाचे प्रदेश अध्यक्ष अनुप मोरे यांनी युवकांना संबोधित करताना म्हणाले की,युवा मोर्चाच्या वतीने राज्यभरात प्रवास करताना अनेक मेळावे केले मात्र शहर मध्य विधानसभा मतदारसंघात जो मेळावा होत आहे,या मेळाव्यातील युवकांची गर्दी व उत्साह पाहता देवेंद्र कोठे यांचा विजय निश्चित असून फक्त लीड किती याचीच आतुरता आम्हाला लागली असल्याचे सांगितले.
कार्यक्रमाचे आभार युवा मोर्चाचे मंडल अध्यक्ष विश्वनाथ प्याटी व रोहन मराठे यांनी मानले याप्रसंगी मंडलाच्या कार्याची माहिती त्यांनी दिली व मंडलात आगामी कार्यक्रमाच्या माध्यमातून नव मतदारांपर्यंत आम्ही पोहचून महायुती सरकारने केलेली कामे सांगणार असल्याचे सांगितले.
कार्यक्रमाप्रसंगी भाजयुमो प्रदेश सरचिटणीस सुदर्शन पाटसकर, वृषाली चालुक्य, अक्षय अंजिखाने, अनिकेत हारपुडे, सागर कोटला, विश्वनाथ प्याटी, रोहन मराठे, गणेश साखरे, विजय कुलथे, शिवा कावडे, सुनील साळुंखे, बसवराज गंदगे, शिवा कामाठी आदी उपस्थित होते.
कार्यक्रम यशस्वी करण्यासाठी ओंकार होमकर,अनिल अंजनालकर,अनिल वंगारी,उदयराज गुल्लापल्ली,यांच्या सह मध्य विधानसभेतील युवा मोर्चा कार्यकर्त्यांनी परिश्रम घेतले.
