“माझा नेता पावरफुल” सोलापुरातील भाजप कार्यकर्त्याच्या या स्टेटसने अनेकांना चपराक
सोलापूर : विधानसभा निवडणुकीच्या पार्श्वभूमीवर सोलापुरातील भारतीय जनता पार्टीमध्ये विशेष करून दक्षिण सोलापूर विधानसभा मतदार संघात विद्यमान आमदार सुभाष देशमुख यांच्याच पक्षातील माजी नगरसेवकांनी दुसऱ्याच इच्छुकाला पाठिंबा पत्र देण्याचा घाट घातला. एकीकडे आपल्या नेत्याची पाठ त्यांचेच कार्यकर्ते सोडत असताना दुसरीकडे मात्र एका कट्टर समर्थकाने “माझा नेता पावरफुल हॅट्रिक आमदार सुभाष बापू देशमुख”असे स्टेटस ठेवून अनेक कार्यकर्त्यांना चपराक लगावली आहे.
मागील दोन विधानसभा निवडणुकीमध्ये भारतीय जनता पार्टी कडून सुभाष देशमुख हे मतदार संघातून निवडून आले आहेत. आजपर्यंत या मतदारसंघात काँग्रेस पक्षाला जमले नाही अशी विकास कामे सुभाष देशमुख यांनी केली आहेत. हद्दवाढ भागातील नगरसेवकाना मोठ्या प्रमाणात विकास निधी देत आज पर्यंतचा हद्दवाढ भागाचा बॅकलॉग त्यांनी भरून काढला आहे.
असे असताना याच हद्दवाढ भागातील भाजपचे नगरसेवक आज सुभाष देशमुख यांच्या ऐवजी दुसऱ्या इच्छुक असणाऱ्या उमेदवाराला पाठिंबा देण्याचे काम करीत आहेत.
पण या हद्दवाढ भागातील भाजपचे कार्यकर्ते तथा आमदार सुभाष देशमुख यांचे कट्टर समर्थक मानले जाणारे सोमनाथ केंगनाळकर यांनी मात्र आपण आपल्या नेत्याच्या पाठीशी खंबीर असल्याचे छातीठोकपणे सांगितले आहे. सुभाष देशमुख यांच्या सोबत उभा राहिलेला फोटो टाकत त्यांनी आपल्या स्टेटसला “माझा नेता पावरफुल हॅट्रिक आमदार सुभाष बापू देशमुख”असे म्हणून आपले जोरदार समर्थन दिले आहे.
