सोलापूर : जिल्हा मध्यवर्ती सहकारी बँक कर्मचाऱ्यांची पतसंस्थेच्या चेअरमन व व्हाईस चेअरमन निवड बिनविरोध झाली. यांना संधी देण्यात आली आहे. निवडणूक निर्णय अधिकारी म्हणून सुरेश जुजगार यांनी काम पाहिले.
जुजगार यांच्या अध्यक्षतेखाली नूतन संचालकांची विशेष सभा गुरुवारी काढण्यात आली. चेअरमन आबासाहेब गुंड (उत्तर सोलापूर) तर व्हाईस चेअरमन पदी अभिमन्यू विजापुरे (दक्षिण सोलापूर)यांचे एकमेव अर्ज आल्याने त्यांची बिनविरोध निवड जाहीर करण्यात आली.
या निवडी अगोदर माजी आमदार दिलीप माने यांच्या ब्रह्मदेव दादा माने बँकेच्या कार्यालयात काँग्रेस नेते सुरेश हसापुरे यांच्यात बैठक झाली. माजी मंत्री दिलीप सोपल, आमदार संजयमामा शिंदे, माजी आमदार राजन पाटील, आमदार रणजितसिंह मोहिते पाटील, माजी आमदार प्रशांत परिचारक यांच्याशी चर्चा करून या निवडी बिनविरोध झाल्याचे सांगण्यात आले.
या निवडीनंतर सुरेश हसापुरे यांच्या हस्ते नूतन चेअरमन आणि व्हाईस चेअरमन यांचा सत्कार करण्यात आला.
यावेळी संचालक मिलिंद देशपांडे संतोष वरपे, राजन सरवदे, एन एच शेटे, बी जे पाटील, बी बी पाटील, एस व्ही भिलारे, एम बी खांडेकर, एस व्ही सातपुते, एस बी जाधव, डी बी माशाळ, आर एन पवार, यु व्ही गवसणे, एम एस गायकवाड, ए एच मुलाणी यांची उपस्थिती होती.
