सोलापूर : राज्याचे माजी सामाजिक न्याय मंत्री धनंजय मुंडे यांच्या कारला अपघात झाला सध्या ते उपचार घेत आहेत. दरम्यान त्यांच्या प्रकृतीसाठी कार्यकर्त्यांमधून प्रार्थना करण्यात येत आहे.
याच पार्श्वभूमीवर सोलापुरात आमदार धनंजय मुंडे युवा प्रतिष्ठान सोलापूरचे संस्थापक अध्यक्ष पैलवान सनी देवकते यांनी सोलापूरचं ग्रामदैवत सिद्धेश्वर मंदिरात थेट दंडवत घालून श्री सिद्धेश्वरांकडे आमदार धनंजय मुंडे यांचे प्रकृती ठीक होण्यासाठी साकडे घातले. सिद्धेश्वर मंदिरातील त्यांच्या समाधी भोवती त्यांनी दंडवत घातले.
सनी देवकते म्हणाले, आमदार धनंजय मुंडे यांच्या अपघाताची माहिती करतात संपूर्ण महाराष्ट्र राज्यातून कार्यकर्ते आपापल्या शहर जिल्ह्यामध्ये देव देवतांकडे प्रार्थना करत आहेत. त्याच अनुषंगाने मी आज सोलापूरचे ग्रामदैवत श्री सिद्धेश्वर यांच्याकडे साकडे घातले असून आमदार मुंडे यांना लवकरात लवकर बरे करून त्यांना पुन्हा जनतेची सेवा करण्यासाठी बळ दे.
