सुदीप चाकोते यांचे भव्य रॅलीने शक्तीप्रदर्शन ; या दोन मतदारसंघातून मागितली काँग्रेसकडे उमेदवारी
सोलापूर : काँग्रेस सेवादल यंग ब्रिगेडचे प्रदेशाध्यक्ष सुदीप चाकोते यांनी भव्य अशी रॅली काढून शक्ती प्रदर्शन केले, सोलापूर शहर उत्तर आणि दक्षिण विधानसभा मतदारसंघातून त्यांनी उमेदवारी मागणी अर्ज पक्षाकडे दाखल केला.
सकाळी अकरा वाजता आपल्या जोडभावी पेठ पासून निघालेली ही रॅली महात्मा बसवेश्वर चौक, माणिक चौक, विजापुर वेस ते काँग्रेस भवन कडे वाजतगाजत आली. ठिकठिकाणी त्यांचे स्वागत करण्यात आले.
काँग्रेस भवनात युवक मेळाव्याचे आयोजन करण्यात आले. त्यावेळी माजी आमदार विश्वनाथ चाकोते, शहराध्यक्ष चेतन नरोटे, युवक अध्यक्ष गणेश डोंगरे, माजी महापौर संजय हेमगड्डी, अशोक कलशेट्टी, एन के क्षिरसागर, महीला अध्यक्ष प्रमिला तूपलवांडे, तिरुपती परकीपंडला, नुर अहमद नालबंद यांच्यासह कार्यकर्ते मोठ्या संख्येने उपस्थित होते.
चेतन नरोटे यांनी सुदीप चाकोते यांनी केलेल्या गर्दी आणि वातावरण निर्मितीचे कौतुक केले, स्वर्गीय बाबुराव चाकोते यांचे खरे वारसदार तुम्ही शोभता, असे सांगत आपण पक्षाने दिलेल्या उमेदवाराच्या पाठीशी राहावे असे आवाहन केले.
सुदीप चाकोते यांनी आपल्या भाषणातून उपस्थित कार्यकर्त्यांमध्ये स्फुल्लिंग जागवले. “इसे विजय की आस है, बंदे में कुच्छ खास है” असे सांगत देशाचे नेते राहुल गांधी यांनी सांगितल्याप्रमाणे कन्याकुमारी ते जम्मू काश्मीर सर्व ठिकाणी जाऊन पक्षाचे प्रामाणिक काम केले. कोणतीही अपेक्षा ठेवली नाही त्यामुळे उत्तरला यंदा काँग्रेसचा विजय निश्चित असल्याचे सांगितले आणि दक्षिण मध्ये उमेदवारी मागणीचे स्पष्टीकरण काय दिले पहा व्हिडिओ
