सोलापूर एमआयडीसी पोलीस ठाणे येथे – कार्यरत असलेले पोलीस हवालदार यांनी 4 हजार रुपयांची लाचेची मागणी केल्याप्रकरणी गुन्हा दाखल झाला आहे. पोलीस हवालदार इस्माईल इब्राहिम बागवान नेम. एमआयडीसी पोलीस ठाणे असे हवालदाराचे नाव आहे.
यातील तक्रारदार काम करत असलेल्या ठेकेदार याचेमधील आर्थिक देवाण घेवाणीचे वादातुन ठेकेदार यांनी तक्रार याची ताब्यातील मोटारसायकल जबरदस्ती घेवुन गेले होता. सदरबाबत तक्रारदार एमआयडीसी पोलीस ठाणे येथे ठेकेदाराविरुध्द तक्रार देण्यासाठी गेले असता, तेथे पोह बागवान यांनी तक्रारदार यांची तक्रार ऐकूण घेवून पोह बागवान यांनी सदरची मोटार सायकल नमूद ठेकेदार यांच्या ताब्यातुन घेवून एमआयडीसी पोलीस ठाणे येथे उभा करून ठेवली. तक्रारदार यांनी सदरची मोटार सायकल परत मिळणेकामी पोह बागवान यांना विनंती केली असता पोह बागवान यांनी 4 हजार रुपयांची लाचेची मागणी करीत असलेबाबत अॅन्टी करप्शन ब्युरो, सोलापूरकडे तक्रार प्राप्त झाली होती.
सदर प्राप्त तक्रारीच्या अनुषंगाने दि.04.05.2023 रोजी पंचासमक्ष पडताळणी केली असता यातील लोकसेवक इस्माईल बागवान यांनी तक्रारदार यांचेकडे त्यांच्या मोटारसायकल कोणतीही कारवाई न करता ताब्यात देण्यासाठी 4 हजार रू लाचेची मागणी केल्याचे निष्पन्न झाले आहे. सदर प्रकरणी लोकसेवक पोह इस्माईल बागवान यांच्या विरुध्द एमआयडीसी पोलीस ठाण्यात भ्रष्टाचार प्रतिबंधक अधिनियम कलम 7 प्रमाणे गुन्हा दाखल करण्यात आला आहे.
ही कारवाई पोनि. चंद्रकांत कोळी, पोलीस निरीक्षक, लाप्रवि, सोलापूर, पोलीस अंमलदार- पोअं पकाले, पोअं नरोटे, पोअं किणगी सर्व नेमणुक लाप्रवि, सोलापूर यांनी केली.
