जिल्हा परिषदेच्या ‘या’ सदस्याचा आज आर्थिक गुन्हे शाखेसमोर जबाब ; काय आहे प्रकरण पहा

सोलापूर जिल्हा परिषद सदस्य त्रिभुवन धाइंजे यांनी  सोलापुर अंतर्गत महीला बालविकास विभागाच्या कोटयवधी रुपयांच्या पोषण आहार घोटाळा उघड केला आहे. हे प्रकरण धाइंजे यांनी लावून धरले आहे, जिल्हा परिषद स्थायी समिती, सर्वसाधारण सभा यामध्ये आवाज उठवला आहे, प्रकरणाची  मुख्य कार्यकारी अधिकारी दिलीप स्वामी यांनी चौकशी समिती नेमली, मात्र समितीचा अहवाल अजून बाहेर पडलेला नाही, यामध्ये महिला व बालकल्याण विभागाचे जिल्हा कार्यक्रम अधिकारी जावेद शेख यांच्यावर भ्रष्टाचाराचे आरोप केले आहेत, 

मात्र या प्रकरणातून बाहेर होणेसाठी संबंधित पोषण आहाराचा ठेका घेणारे महीला साहसचे प्रितम शहा हे धाइंजे यांना प्रत्यक्ष व अप्रत्यक्षरित्या त्याच्याकडे असलेल्या रिवॉल्वरची भिती दाखवत तसेच पैशाचे जिवावर मला जिवे मारण्याची धमक्या देत असल्याचा धाइंजे यांचा आरोप आहे. त्यांनी याप्रकरणी जिल्हा पोलीस अधीक्षक यांना पत्र दिले आहे,

पत्रात धाइंजे यांनी म्हंटले आहे की, याबाबत आम्ही अधिक माहीती घेतली असता महीला साहसचे अधिकृत अध्यक्ष, सचिव वा सदस्यही नसताना मागील १० वर्षापासुन  प्रीतम राजकुमार शहा ही व्यक्ती महीला साहसचे नावाने सोलापूर जिल्हयाबरोबरच कोल्हापुर, लातूर, उस्मानाबाद जिल्हयाच्या पोषण आहाराचा कोटयवधी रुपयांचा ठेका घेत असलेची बाब उघड होत आहे. त्यामुळेच प्रीतम शहा हयाने अधिकारी/कर्मचारी व पदाधिकारी यांना हाताशी धरत व त्यांचेशी आर्थिक हितसंबंधातुन पोषण आहार योजनेतुन कमावलेल्या कोटयवधी रुपयांची करचुकवेगिरी करत अवैधपणे स्वतः व नातेवाईक, मित्रमंडळी यांचे नावे जमा केलेली प्रचंड मोठी आर्थिक संपत्ती, काळा पैसा उघड होउ नये म्हणुनच आम्हास रिवॉल्वरची भिती दाखवत सदर प्रकरणातुन बाहेर होणेची धमकी देत असलेबाबत शंका येत आहे. 

यामधे आपण त्वरीत लक्ष घालुन योग्य ती कारवाई करणेस विंनती. याबाबत अन्य पोलीस तपास यंत्रणा (आर्थिक गुन्हे अन्वेषण, लाचलुचपत प्रतिबंधक, सक्तवसुली संचलनलय ED) अथवा न्यायालयाकडे दाद मागणे आवश्यकता असलेस त्याबाबत मार्गदर्शनपर आम्हास कळवावे ही विनती. तसेच आम्हास मिळत असलेल्या धमक्यामुळे प्रीतम शहा यांचेकडे रिवॉल्वर बाळगणेची परवानगी आहे का? असलेस परवानगी कोणत्या कारणास्तव दिली गेली ? त्याचा वापर करणेची अटी शर्ती काय आहेत याची माहीती मिळणेस विंनती आहे. अशी मागणी धाइंजे यांनी पत्रात केली त्यामुळे ग्रामीण आर्थिक गुन्हे शाखेने धाइंजे यांना जबाबासाठी गुरुवारी बोलावले आहे.