सोलापूर : राष्ट्रवादी काँग्रेस शरद पवार यांच्या गटातून सोलापूर शहर युवक अध्यक्ष पदासाठी मोठी चुरस निर्माण झाले आहे. इच्छुकांमध्ये सरफराज शेख, नजीब शेख, अक्षय वाकसे या तीन युवकांमध्ये सध्या चढाओढ पाहायला मिळते.
रविवारी पक्षाचे नेते शरद पवार हे सोलापूर दौऱ्यावर आले होते. त्यांचा सलगरवाडी भागामध्ये आयटी पार्क उद्घाटन कार्यक्रम होता. त्यांच्या स्वागतासाठी विमानतळापासून ते कार्यक्रम स्थळापर्यंत मोठ्या प्रमाणात बॅनरबाजी करण्यात आली होती. त्यामध्ये सोलापुरातील प्रियांका व रोहित हॉटेलचे मालक नजीब शेख यांचा जोर दिसून आला. सरफराज शेख यांनी कार्यकर्त्यांसह ताफा आडवून पिवळ्या फुलांचा वर्षाव करून जंगी सत्कार केला.
तर सलगरवाडी भागात अक्षय वाकसे यांचे सर्वत्र पोस्टर पाहायला मिळाले. आपल्या भागातून साहेब यांचा ताफा जाणार म्हटल्यानंतर वाकसे यांनी चार जेसीबीच्या माध्यमातून साहेबांच्या गाडीवर पुष्पवृष्टी केली. एवढे प्रेम पाहून शरद पवार हे सुद्धा थांबले आणि त्यांनी सत्कार स्वीकारला. एकीकडे जेसीबी तून पुष्पवृष्टी होत असताना नजीब शेख यांनीही क्रेन द्वारे कार्यक्रम स्थळी थेट भला मोठा हार आणला.
नुकतेच राष्ट्रवादीमध्ये गेलेले तोफिक शेख यांच्या सोबतीने साहेबांना घालून आपलं प्रेम व्यक्त करण्यात आलं. यामध्ये दौऱ्यात राष्ट्रवादी युवक काँग्रेसचे प्रदेशाध्यक्ष मेहबूब शेख हे सुद्धा उपस्थित होते.
अजित पवार यांनी बंडखोरी करून भाजपसोबत गेल्यानंतर त्यांच्या विरोधात राज्यभरातून संताप व्यक्त करण्यात आला. त्याचे पडसाद सोलापूरमध्ये ही उमटले होते. राष्ट्रवादी काँग्रेसच्या शहर कार्यालयामध्ये अजित पवार यांचा फोटो होता. यावेळी कार्यकर्त्यांनी तो फोटो हटवण्याची मागणी केली. तेव्हा त्या फोटोला हात कोण लावणार असा प्रश्न होता मात्र धाडसाने सरफराज शेख या युवकाने तो फोटो स्वतः काढण्याचे डेरिंग केले.
तो फोटो काढल्याबद्दल पक्षात कधीही शांत न बसणारे युवक नेते सरफराज शेख यांची प्रतिमा मलीन करण्यात गुंतल्याची चर्चा मुस्लिम समाजाच्या काही कार्यकर्त्यांमधून ऐकण्यास मिळाली.
नजीब शेख हे तोफिक शेख मार्फत आपली फिल्डिंग लावून आहेत तर अक्षय वाकसे हे महेश कोठे पुत्र माजी नगरसेवक प्रथमेश कोठे यांच्यामार्फत प्रयत्न करत आहेत. राष्ट्रवादीतील बरेच मुस्लिम कार्यकर्ते हे सुद्धा सर्फराज शेख यांच्या सोबत असल्याची चर्चा आहे. पक्षाने कार्यकर्त्याचे काम बघून पद द्यावे, पैशाच्या जोरावर स्टंटबाजी करणाऱ्याला किती दिवस पदे दिली जाणार असे प्रश्न कार्यकर्ते उपस्थित करीत आहेत.
