सोलापूर झेडपीच्या आरोग्य अधिकाऱ्याची पालकमंत्र्यांनी केली चिरफाड ; कारवाई करणार प्रस्तावित
सोलापूर : जिल्ह्याचे पालकमंत्री जयकुमार गोरे यांनी पहिल्याच नियोजन समितीच्या बैठकीत अपली आक्रमकता दाखवून दिली, त्यामुळे कामचुकार अधिकाऱ्यांना धडकी भरल्याचे पाहायला मिळाले. जिल्हा परिषदेच्या आरोग्य अधिकाऱ्याची तर त्यांनी चिरफाड केली. त्यांच्या येत असलेल्या आमदार, खासदार तसेच स्वतः पालकमंत्री यांच्याकडे आलेल्या तक्रारी पाहता त्यांच्यावर कारवाई प्रस्तावित केली.
आमदार समाधान आवताडे यांनी तर नवीन आरोग्य केंद्राच्या मंजुरी वरून थेट जिल्हा आरोग्य अधिकारी डॉ संतोष नवले यांच्यावर टक्केवारीचा थेट आरोप केला.
ते म्हणाले, आरोग्य अधिकारी यांनी या वर्षात दुरुस्तीसाठी एक रुपयांचा निधी DPC मधून दिला नाही, कोणत्याही लोकप्रतिनिधी मागणी नसताना निधी दिला गेली, 11 कोटी तरतूद आहेत, साडे दहा कोटींची पाच कामे मंजूर केली आहेत, गोलमाल आहे. कुणाची शिफरासने दिले अशी तक्रार केली.
यावर पालकमंत्री गोरे विचारले की, त्या कामांना डीपीडीसी शिफारस आहे का? तुमच्या मर्जीने केल्या आहेत का? ती कामे वेगळी कामे आहेत, यांची चौकशी करा, लोकाप्रतिधिंच्या तक्रारी आहेत, त्या गंभीर आहेत. जिल्हाधिकारी आरोग्य अधिकाऱ्यांच्या तक्रारी माझ्या पर्यंत आल्या आहेत, तातडीने याची चौकशी करा, जिल्हा नियोजन समितीच्या शिवाय एक ही मंजुरी दिली असेल तर त्यांच्यावर कारवाई प्रस्तावित करा असे आदेश दिले.
याच वेळी डॉ नवले हे मोबाईल वर बोलताना दिसून आले तेव्हा गोरे यांनी त्यांना उठवून पुन्हा सभागृहात मोबाईल वर बोलायचे नाही अशी सक्त ताकीद दिली.
