सोलापूर : रस्त्याच्या कामाचे बिल काढण्याकरिता तीन टक्के प्रमाणे १ लाख रुपये व नवीन काम मिळवून देण्याकरता २६ हजार अशी एकूण १ लाख २६ हजार लाचेच्या मागणीवरून अँटी करप्शनने कारवाई करत गुन्हा दाखल केला आहे. ही कारवाई सांगलीच्या लाचलुचपत प्रतिबंधक विभागाने केले.
लोकसेवक वडजे, मुख्याधिकारी, नगरपंचायत माळशिरस यांनी तक्रारदार यांचेकडे माऊली चौक, माळशिरस ते कचरेवाडी हद्दीपर्यंतच्या रस्ता डांबरीकरण्याचे कामाच्या बिलाचा चेक तिरूपती कन्स्ट्रक्शन यांचे बँक खात्यावर जमा केल्याच्या मोबदल्यात बिलाच्या ३ टक्के रक्कम लाच म्हणून मागीतली असल्याबाबत दि.३०.०९.२०२१ रोजी तक्रारदार यांनी त्यांचा तक्रारी अर्ज अॅन्टी करप्शन ब्युरो सांगली यांचेकडे दिला होता.
तक्रारदार यांनी दिलेल्या तक्रारीनुसार दिनांक ३०.०९.२०२१ दि.२२.१०.२०२९ रोजी ब्युरोच्या कार्यप्रणालीप्रमाणे पडताळणी केली असता पडताळणी कारवाईमध्ये लोकसेवक वडजे, मुख्याधिकारी, नगरपंचायत माळशिरस यांनी तक्रारदार यांचेकडे माऊली चौक, माळशिरस ते कचरेवाडी हद्दीपर्यंतच्या रस्ता डांबरीकरण्याचे कामाच्या बिलाचा चेक तिरूपती कन्स्ट्रक्शन यांचे बँक खात्यावर जमा केल्याच्या मोबदल्यात १,००,०००/- रूपये व नवीन कामे मिळवून देण्यासाठी खर्च २६०००/- रूपये अशी एकूण १,२६,०००/- रूपये लाचेची मागणी केली असल्याचे निष्पन्न झाले आहे.
त्यानंतर दि.२२.१०.२०२१ रोजी व दि. ०१.११.२०२१ रोजी लोकसेवक वडजे, मुख्याधिकारी, नगरपंचायत माळशिरस यांचे विरूध्द सापळा कारवाई आयोजीत केली असता लोकसेवक वडजे, मुख्याधिकारी, नगरपंचायत माळशिरस यांनी संशय आल्याने तक्रारदार यांचेकडून लाच स्विकारली नाही.
विश्वनाथ दिगंबरराव वडजे, मुख्याधिकारी नगरपंचायत कार्यालय माळशिरस ता. माळशिरस जि. सोलापूर वर्ग-२ यांचे विरुध्द माळशिरस पोलीस ठाणे जि. सोलापूर येथे लाचलुचपत प्रतिबंधक अधिनियमाखाली गुन्हा दाखल करण्याची कारवाई सुरु आहे.
ही कारवाई सुजय घाटगे, पोलीस उप अधीक्षक अॅन्टी करप्शन ब्युरो सांगली यांचे मार्गदर्शनाखाली गुरूदत्त मोरे पोलीस निरीक्षक, अविनाश सागर, संजय संकपाळ, अजित पाटील, प्रितम चौगुले, संजय कलगुटगी, चालक बाळासाहेब पवार, पोलीस कर्मचारी अॅन्टी करप्शन ब्युरो सांगली यांनी केली आहे.
