शरद पवार हे कार्यकर्त्यांच्या जीवावर मोठे झाले ; सोलापुरात उमेश पाटील यांचे जंगी स्वागत
सोलापूर : राष्ट्रवादी काँग्रेस अजित पवार गटाचे मुख्य प्रवक्ते उमेश पाटील यांचे सोलापुरात जंगी स्वागत करण्यात आले. प्रारंभी उमेश पाटील हे सोलापुरात प्रवेश केल्यानंतर त्यांनी मराठा आरक्षणाच्या मोर्चामध्ये सहभागी होत त्यांना पाठिंबा दिला. शासकीय विश्रामगृहावर त्यांचे आगमन झाल्यानंतर शहर जिल्हाध्यक्ष संतोष पवार यांच्या नेतृत्वाखाली शहरातील पदाधिकारी आणि कार्यकर्त्यांनी क्रेनने भला मोठा हार घालून त्यांचा सत्कार केला.
यानंतर आयोजित पत्रकार परिषदेत उमेश पाटील यांनी माध्यमांशी संवाद साधला. उमेश पाटील यांनी अजित पवार आणि पक्षाची भूमिका स्पष्ट करताना ज्या पद्धतीने शरद पवारांनी संधी दिल्याने सर्व कार्यकर्ते मोठे झाले त्याच पद्धतीने या कार्यकर्त्यांच्या जोरावर शरद पवार हेही मोठे झाले असा दावा त्यांनी केला. यावेळी नेमके उमेश पाटील काय म्हणाले पहा हा व्हिडिओ….
