राष्ट्रवादी सोडून हा ‘भाई’ काँग्रेसमध्ये दाखल ; प्रवेश करताच मिळाले हे मोठेपद ; Solapur
अनेक दिवस राष्ट्रवादी काँग्रेसमध्ये नाराज असलेले मुस्लिम समाजातील मोठे व्यावसायिक नजीब शेख यांनी प्रजासत्ताक दिनी काँग्रेस पक्षात प्रवेश केला. आमदार प्रणिती शिंदे शहराध्यक्ष चेतन नरोटे यांच्या उपस्थितीत हा प्रवेश झाल्यानंतर काँग्रेस पक्षाने सोलापूर शहर काँग्रेस अल्पसंख्याक युवक अध्यक्षपदी नजीब भाई शेख यांची निवड केली, निवडीचे पत्र आमदार प्रणिती शिंदे यांच्या प्रमुख उपस्थितीत प्रदान करण्यात आले.
यावेळी काँग्रेसचे शहराध्यक्ष चेतन नरोटे, माजी आमदार विश्वनाथ चाकोते, शहर कार्याध्यक्ष संजय हेमगड्डी, मनोज यलगुलवार, माजी महापौर सुशिला आबूटे, माजी नगरसेवक तौफिक हत्तुरे, सोलापुर शहर काँग्रेस अल्पसंख्यांक विभाग अध्यक्ष जुबेर कुरेशी, युवक अध्यक्ष गणेश डोंगरे, हारून शेख, एजाज बागवान, देवा गायकवाड, तिरुपती परकीपंडला, भीमाशंकर टेकाळे यांसह इतर मान्यवर उपस्थित होते.
दरम्यान शहराध्यक्ष नरोटे यांनी नजीब शेख यांचे काँग्रेस पक्षात स्वागत केले पक्षाला एक युवा आणि चांगला चेहरा मिळाला आहे. ते निश्चितच काँग्रेस नेते सुशीलकुमार शिंदे, आमदार प्रणिती शिंदे यांचे हात बळकट करतील असे सांगत आपल्या भागामध्ये काँग्रेसची शाखा स्थापन पक्ष संघटन मजबूत करण्याचे आवाहन त्यांनी केले.
