लोकसभा निवडणुकीत काँग्रेसचा एक रुपया ही घेतला नाही ; आडम मास्तर यांचे विधानसभेबाबत मोठं वक्तव्य
गुरुवार ३० मे २०२४ रोजी सिटू चे मध्यवर्ती कार्यालय दत्त नगर येथे सिटूचा ५५ वा वर्धापन दिन सिटूचे राज्य महासचिव कॉ. एम.एच.शेख यांच्या नेतृत्वाखाली ज्येष्ठ नेते कॉ.आडम मास्तर यांच्या हस्ते सिटूचा लाल झेंडा फडकविण्यात आला.
यावेळी संपूर्ण कार्यालय परिसर व वस्ती परिसर लाल झेंडे बांधून सजविण्यात आले. जगातील कामगारानो एक व्हा!, कामगार कायदे लागू करा, ४ श्रमसंहिता रद्द करा, सिटूचे वर्धापन दिन चिरायू हो, सर्वाना रोजगार मिळाला पाहिजे, किमान वेतन मिळाले पाहिजे, कामगारांना सामाजिक सुरक्षा लागू करा, कामगारांवरील अन्याय-अत्याचार हाणून पाडा, सरकारची दडपशाही चालणार नाही, CITU जिंदाबाद, इन्कलाब जिंदाबाद अशा अनेक गगनभेदी आवाज घोषणा देऊन सारा परिसर दुमदुमून सोडले.
यावेळी पुढे बोलताना आडम म्हणाले कि, नुकतेच लोकसभेची निवडणूक पार पडली असून ४ जून २०२४ रोजी देशात सत्तांतर होण्याची चिन्हे दिसत आहेत. सत्ताधारी विरुद्ध जनता आक्रमक झालेली असून जनता विरोधी व देश विरोधी धोरणांविरुद्ध लढण्यासाठी जनता जागृत झालेली आहे. या पार्श्वभूमीवर महाराष्ट्रात होणाऱ्या विधान सभा निवडणुकीत सोलापूर शहर मध्य मतदार संघात लाल बावटा विधानसभेत सर्वसामन्यांचा आवाज बुलंद करेल हि शपथ घेऊन वर्ग संघर्ष तीव्र करा.
यावेळी महासचिव कॉ. एम.एच.शेख म्हणाले कि, आज कामगार-कर्मचारी जागृत होऊन आपल्या न्याय हक्कासाठी लढत असताना त्यांच्यावर अघोषित आणीबाणी लादण्याचा प्रयत्न चालू आहे. मंदिर, मस्जिद, सांस्कृतिक व सांप्रदायिक हल्ले चढवून अराजकता माजवली जात आहे. यामुळे पोटासाठी लढणाऱ्या माणसाला धर्मांधतेच्या खाईत लोटले जात आहे. वास्तविक आपल्या समोर ४ श्रमसंहिता रद्द करून अगोदरचे कामगार कायदे अमलात आणण्याची जबाबदारी आहे. म्हणून येत्या काळात ज्याप्रमाणे शेतकऱ्यांनी तीन कृषी काळे कायदे रद्द करायला सरकारला भाग पाडले. त्याच धर्तीवर श्रमिकांना वज्रमुठ बांधून या सरकार विरुद्ध संघर्ष अधिक तीव्र करण्याची गरज असल्याची मत व्यक्त केले.
यावेळी सोलापूर प्रजा नाट्य मंडळ कला पथकाचे शाहीर प्रशांत म्याकल, अरुण सामल, विशाल पवार, चंद्रकांत मंजुळकर आदींच्या समुदायाने क्रांती गीत सादर करून वातावरणात स्फुल्लिंग चेतावले.
यावेळी नसीमा शेख, रंगप्पा मरेड्डी, शेवंताताई देशमुख, सुनंदा बल्ला, युसुफ शेख, सिद्धप्पा कलशेट्टी, शंकर म्हेत्रे, विल्यम ससाणे, नरेश दुगाणे, दाऊद शेख, दीपक निकंबे, सनी शेट्टी, अमित मंचले, वीरेंद्र पद्मा, सलीम मुल्ला, वसीम मुल्ला, बाबू कोकणे, किशोर मेहता, पुष्पा पाटील, म.हनीफ सातखेड, लिंगव्वा सोलापुरे, शकुंतला पाणीभाते, बाळकृष्ण मल्याळ, व्यंकटेश कोंगारी, फातिमा बेग, गंगुबाई कनकी अकिल शेख, इलियास सिद्दीकी, रफिक काझी, अफसाना बेग, विक्रम कलबुर्गी, जावेद सगरी, अप्पाशा चांगले, शामसुंदर आडम, विजय हरसुरे, दत्ता चव्हाण, मारेप्पा फंदीलोलू, अशोक बल्ला आदींसह सिटूचे सर्व कार्यकर्ते उपस्थित होते.
या कार्यक्रमाचे सूत्रसंचालन व आभार प्रदर्शन ॲड अनिल वासम यांनी व्यक्त केले.
