काँग्रेसच्या चेतन नरोटे यांचा शक्ती प्रदर्शनाने अर्ज ; खासदार प्रणिती शिंदेंची उपस्थिती ; “तीन भाई के साथ भाऊ अंदर”
सोलापूर : सोलापूर शहर मध्य या काँग्रेसच्या हक्काच्या मतदारसंघातून शहराचे अध्यक्ष चेतन नरोटे यांना काँग्रेस पक्षाने शेवटच्या टप्प्यात उमेदवारी दिली. उमेदवारी अर्ज भरण्याच्या शेवटच्या दिवशी नरोटे यांनी आपला अर्ज दाखल केला.
उमेदवारी अर्ज भरण्यापूर्वी रामलाल चौक येथे सभेचे आयोजन करण्यात आले होते त्या सभेला खासदार प्रणिती शिंदे या स्वतः उपस्थित होत्या. यावेळी बोलताना प्रणिती शिंदे यांनी चेतन नरोटे यांच्या कार्याची कौतुक केले आहे. नरोटे यांची उमेदवारी जाहीर झाल्याने विरोधक गार झाले असतील असे सांगत त्यामुळे हा मतदारसंघ माझा आहे आणि या मतदारसंघात काँग्रेसचाच आमदार होईल असा दावा उपस्थितांसमोर केला.
चेतन नरोटे म्हणाले मला पक्षाने निष्ठेचे फळ दिले आहे खासदार प्रणिती शिंदे यांची ही जागा मी जिंकून दाखवणारच असा विश्वास व्यक्त केला.
चेतन नरोटे यांचा उमेदवारी अर्ज दाखल करण्याकरिता रामलाल चौक येथून भव्य पदयात्रा निघाली. यावेळी नरोटे यांच्यासोबत त्यांच्या मातोश्री त्यांच्या पत्नी राष्ट्रवादी काँग्रेसचे ज्येष्ठ नेते यु एन बेरिया माजी स्थायी समिती सभापती रियाज हुंडेकरी, तौफिक हत्तूरे यांच्यासोबत येऊन अर्ज दाखल केला.
