सोलापूर ‘शहर मध्य’ साठी प्रशासकीय यंत्रणा सज्ज ; उमेदवारांवर दाखल गुन्ह्यांचे तीन वेळा प्रसिध्दीकरण बंधनकारक अन्यथा कारवाई
सोलापूर : 249 सोलापूर शहर मध्य या विधानसभा मतदारसंघात निवडणुकीसाठी प्रशासकीय यंत्रणा सज्ज असल्याची माहिती निवडणूक निर्णय अधिकारी तथा प्रांताधिकारी सदाशिव पडदूने यांनी दिली. निवडणूक लढविणाऱ्या उमेदवारांवर गुन्हे दाखल असतील तर त्यांना त्या गुन्ह्याचे तीन वेळा प्रसिध्दी करण करणे बंधनकारक असल्याचे ही त्यांनी सांगितले.
विधानसभा निवडणुकीची आचारसंहिता मंगळवारी जाहीर झाली. 249 सोलापूर शहर मध्य या विधानसभा मतदारसंघासाठीची तयारी बाबत निवडणूक अधिकारी पडदूने यांनी पत्रकार परिषदेत माहिती दिली. यावेळी तहसीलदार निलेश पाटील, तहसीलदार समीर यादव उपस्थित होते.
ते म्हणाले, आचारसंहितेचा भंग होऊ नये याची काळजी राजकीय कार्यालय, खाजगी जागा आणि शासकीय ठिकाणे या ठिकाणी असलेले राजकीय फोटो, बॅनर हे येत्या 48 तासात काढून घ्यावेत असे आवाहन केले.
या मतदारसंघात 12 फ्लाईंग स्कॉड फिरतीवर राहतील, कुठे काही घडल्यास शंभर मिनिटाच्या आत कारवाई होईल. उमेदवारी जाहीर होण्यापू्वी काही संभाव्य उमेदवार वाढदिवस, मेळावे साजरे करण्याचे कार्यक्रम होतात त्यावर वॉच राहणार आहे.
मतदारसंघात चार ठिकाणी एस एस टी चेक नाके लावत आहोत, तपासणी व्हावी, स्थिर पथक चोवीस तास वाहने तपासतील, अधिकारी, पोलीस व कर्मचारी असतील.
सभेसाठी परवानगी साठी उमेदवार सुविधा या ॲप मध्ये परवानगी अर्ज करता येईल, या मतदार संघात जास्त सभेची ठिकाणे असल्याने व्हिडिओ सर्वेलांस चार टीम लावणार आहोत.
40 लाखाची उमेदवाराला खर्चाची मर्यादा असून खर्च तपासणीसाठी अर्थ खात्याचा अधिकारी यांची टीम असेल, उमेदवारांवर गुन्हे दाखल असतील तर ते तीन वेळेस जाहीर केले पाहिजे. ते प्रसिध्दीकरण चार दिवसांच्या फरकाने करायचा आहे. शेवटचा प्रचार संपण्याच्या आदल्या दिवशी प्रसिद्ध केले पाहिजे हे बंधनकारक आहे असल्याचे त्यांनी सांगितले.
