सोलापूर व माढा लोकसभेसाठी 12 ते 19 एप्रिल दरम्यान अर्ज स्वीकृती ; लोकसभेची अधिसूचना प्रसिद्ध
लोकसभा सार्वत्रिक निवडणूक २०२४ १६/०३/२०२४ रोजी भारत निवडणूक आयोग यांनी दुपारी ३.०० वाजता प्रेस कॉन्फरन्स घेवून लोकसभा सार्वत्रिक निवडणूकीचा कार्यक्रम जाहीर केला असून 42 सोलापूर (अ.जा.) व ४३ माढा या लोकसभा मतदार संघाचा निवडणूक कार्यक्रम खालीलप्रमाणे घोषित केला आहे. तसेच सोलापूर जिल्ह्यामध्ये १६/०३/२०२४ रोजी निवडणुकीची अधिसूचना प्रसिद्ध झाल्यापासून आदर्श आचार संहिता लागू झालेली आहे. तरी, सोलापूर जिल्यातील सर्व नागरिकांनी आदर्श आचार संहीतेचे पालन करावे असे आवाहन जिल्हाधिकारी कुमार आशीर्वाद यांनी केले.
सोलापूर आणि माढा लोकसभा मतदारसंघासाठी अर्ज विक्री व स्वीकृती 12 एप्रिल 2024 पासून सुरु होणार असून 19 एप्रिल 2024 पर्यंत अर्ज स्वीकृती राहील, 20 एप्रिल रोजी अर्ज छाननी होईल आणि 22 एप्रिल 2024 पर्यंत अर्ज माघार राहणार आहे त्यानंतर सात मे 2024 रोजी सोलापूर व माढा लोकसभा मतदारसंघासाठी मतदान होईल.
सोलापूर जिल्ह्यात एकूण ११ विधानसभा मतदार संघ आहेत, ४२ सोलापूर (अ.जा.) व ४३ माढा असे दोन लोकसभा मतदार संघ आहेत. सोलापूर जिल्ह्यात एकूण पुरुष मतदार १८,७६,४९८, स्त्री मतदार १७,५०,२९७ व इतर मतदार २८० असे एकूण ३६,२७,०७५ एवढे मतदार व ४.५९१ सैनिक मतदार आहेत. जिल्ह्याचा EP ratio दि १५/०३/२०२४ रोजी ७६.७४% एवढा आहे. Gender ratio हा ९३३ आहे. जिल्ह्यामध्ये १८-१९ वयोगटातील एकूण मतदार ५२७८३ असून २०-२९ वयोगटातील मतदार हे ७१२१४७ इतके आहेत. ८५ वर्षावरील मतदारांची संख्या हि ५४,९९१ असून PWD मतदार संख्या हि २७, १९४ इतकी आहे.
सोलापूर जिल्ह्यामध्ये एकूण मुळ मतदान केंद्र ३५९९ (शहरी १२४३ व ग्रामीण २३५६) व १८ सहाय्यकारी केंद्रे अशी एकूण ३६१७ मतदान केंद्रे आहेत. तसेच ३५९९ मतदान केंद्रस्तरीय अधिकारी आहेत. जिल्ह्यामध्ये एकूण २७ मतदान केंद्रे संवेदनशील आहेत. जिल्ह्यामध्ये ५०% मतदान केंद्रावर वेबकास्टिंग करण्यात येणार आहे.
सोलापूर जिल्ह्यासाठी मतदान प्रक्रिया राबविण्यासाठी एकूण ८५१८ BU, ४९०३ CU व ५२७६ VVPAT इतक्या EVM ची प्रथमस्तरीय तपासणी करून त्या पोलीस बंदोबस्तात Strong room मध्ये ठेवण्यात आले आहेत.
आचार संहिते बाबत काही तक्रारी असल्यास त्यासाठी C- vigil app वापरावे. तसेच cash seize करणे, liquor seize करणे तसेच इ. तत्सम कामासाठी ESMS app वापरण्यात येणार आहे. सोलापूर जिल्ह्यासाठी एक control room स्थापन करण्यात आली असून तिथे १९५० हा toll free नंबर हा activate करण्यात येत आहे. सदर control room मधून सर्व पथकांवर नजर ठेवण्यात येणार आहे.
लोकसभा २०२४ सार्वत्रिक निवडणूक यासाठी लागणाऱ्या सर्व परवानग्या घेण्यासाठी एक खिडकी योजना व Suvidha प्रणालीद्वारे अर्ज सादर करणेची सोय करण्यात आली आहे.
