सोलापुरात शिवसेनेने पेटवली मशाल ; प्रणिती शिंदेंसाठी सेना वापरणार ही बूथ यंत्रणा
सोलापूर : महाविकास आघाडीच्या सोलापूरच्या लोकसभेच्या उमेदवार प्रणिती शिंदे यांना प्रचंड मतादीख्याने निवडून आणून या लोकशाहीच रक्षण करण हे प्रत्येक शिवसैनिकाकडून मतदानाची अपेक्षा आहे. प्रणिती शिंदे यांना निवडून आण्यामध्ये शिवसेना उद्धव बाळासाहेब ठाकरे पक्षाचा सिहांचा वाटा असेल असा विश्वास संपर्कप्रमुख अनिल कोकीळ यांनी पत्रकार परिषदेत दिला. तसेच शिवसेना जी बूथ यंत्रणा मुंबई मध्ये वापरते तीच बूथ यंत्रणा सोलापूर लोकसभेत उमेदवार प्रणिती शिंदे यांच्यासाठी वापरणार असल्याचे त्यांनी सांगितले.
गुरुवारी सकाळी प्रणिती शिंदे यांच्या जनवात्सल्य या निवासस्थानी भेट घेऊन चर्चा करण्यात आली.
सोलापूर श्रमिक पत्रकार संघामध्ये संपर्कप्रमुख अनिल कोकीळ यांची पत्रकार परिषद झाली. नंतर शिवसेना उद्धव बाळासाहेब ठाकरे पक्षाच्यावतीने गुरुवार दि.२८ मार्च रोजी शांतीसागर मंगल कार्यालय येथे पदाधिकारी बैठक आयोजित करण्यात आली होती. या बैठकिमध्ये शिवसेनेच्या संलग्नित असलेल्या सात ते आठ संघटना उपस्थित होत्या.
या मेळाव्याला ज्येष्ठ नेते पुरुषोत्तम बरडे, जिल्हाप्रमुख अजय दासरी, संभाजी शिंदे, गणेश वानकर, अमर पाटील, विष्णू कारमपुरी, उपनेता शरद कोळी, संभाजी शिंदे, माजी मंत्री उत्तमप्रकाश खंदारे, उपजिल्हाप्रमुख दत्तात्रय गणेशकर, प्रताप चव्हाण, महेश धारशिवकर उपस्थित होते.
