सोलापूर : भाजपचे माजी शहराध्यक्ष अशोक निंबर्गी यांनी काँग्रेस पक्षात प्रवेश केला. त्यानंतर प्रथमच शनिवारी निंबर्गी यांचे काँग्रेस भवनात आगमन झाले. शनिवारी प्रवेश आणि शनिवारीच काँग्रेस भवनात निंबर्गी यांचे आगमन हा योगायोग होता. आणि शनिवारीच त्यांचा वाढदिवस ही होता.
ते काँग्रेस भवनात येताच रवि यलगुलवार यांनी त्यांचे गेट मध्येच स्वागत केले, युवक अध्यक्ष गणेश डोंगरे हे सुध्दा सरांच्या स्वागताला सरसावले. ते आत येताच सर्व कार्यकर्ते उठून उभे राहिले. आणि शुभेच्छा दिल्या.
कार्यालयात शहराचे अध्यक्ष चेतन नरोटे, माजी महापौर संजय हेमगड्डी, बाबा मिस्त्री, दत्तू बंदपट्टे, नरसिंह आसादे, एन के क्षीरसागर, देवा गायकवाड, तिरुपती परकीपंडला, श्रीशैल रणधीरे, बसवराज म्हेत्रे यांनी ही त्यांचे स्वागत करीत, हेमगड्डी व नरोटे यांनी तर गळाभेट दिली.
यानंतर पंडीत जवाहरलाल नेहरू आणि माता रमाई आंबेडकर यांच्या प्रतिमेचे पूजन करून अभिवादन करण्यात आले. यानंतर निंबर्गी यांचा वाढदिवसानिमित्त सत्कार करण्यात आला.
