सोलापूर : मुस्लिम समाजाच्या प्रार्थनेचा आदर काँग्रेसचे ज्येष्ठ नेते माजी केंद्रीय गृहमंत्री सुशीलकुमार शिंदे यांनी करतानाच दुपारचे अजाण सुरू होताच आपले भाषण थांबवले. उपस्थित कार्यकर्त्यांनी साहेब बिगर माईकचे बोला अशा विनंती केली परंतु त्यांनी अतिशय सन्मानपूर्वक संपूर्ण नमाज होईपर्यंत खाली बसून राहिले. नमाज संपताच म्हणाले, आपण काय भाजपचे आहोत का या समाजाचा सन्मान केलाच पाहिजे. हे शब्द त्यांच्या तोंडून येतात उपस्थित होते टाळ्यांचा कडकडाट झाला.
दक्षिण सोलापूर तालुक्यातील मंद्रूप या गावी युवक काँग्रेसचे नेते अनंत म्हेत्रे यांच्या फार्म हाऊसवर हुरडा पार्टीचे आयोजन केले होते. या कार्यक्रमाला आमदार प्रणिती शिंदे, माजी मंत्री सिद्धाराम म्हेत्रे, काँग्रेस नेते सुरेश हसापुरे, शहराध्यक्ष चेतन नरोटे, तालुकाध्यक्ष हरीश पाटील, सिकंदरताज पटेल यांच्यासह कार्यकर्ते मोठ्या संख्येने उपस्थित होते. त्यावेळी भाषणाला उठल्यानंतर हा प्रकार उपस्थित त्यांना पाहायला मिळाला.
