सोलापूर जिल्हा परिषदेचे मुख्य कार्यकारी अधिकारी दिलीप स्वामी हे दहा दिवसांपूर्वी कोरोना पॉझीटीव्ह झाले, त्यांच्यावर सध्या अश्विनी रुग्णालयात उपचार सुरु आहेत मात्र त्यांची प्रकृती स्थिर आहे, असे असतानाही त्यांनी संपूर्ण दिवस आपल्या मोबाईलद्वारे ‘वर्क फ्रॉम हॉस्पीटल’ सुरु ठेवले आहे, सध्या मार्च महिना असल्यानं प्रशासकीय कामकाजात वेग आणावा लागतो, विशेष करुन निधी खर्ची टाकण्यासाठी हा महिना प्रशासकीय दृष्टीने महत्वाचा आहे, जिल्हा नियोजन समितीकडून आलेला निधी 100 टक्के खर्ची करण्यासाठी रोजच्या रोज त्यांंच्या सर्व विभाग प्रमुखांना सुचना असतात, कोेरोनाचा वाढता संसर्ग पाहता पालक अधिकार्यांच्या कामावर त्यांची बारीक नजर आहे, सर्व गटविकास अधिकार्यांनी शिक्षक, ग्रामसेवक, आरोग्य कर्मचार्यांना मार्गदर्शन करणे, रोजच्या रोज आढावा घेणे, कॉन्टॅक्ट ट्रेसींग वाढवणे, अशा सूचनांसह व्यवस्थीत काम करणार्या कर्मचार्यांवर कारवाई करण्याचे आदेश स्वामी यांनी दिले आहेत. पेेंशनची प्रकरणे, तसेच विधीमंडळ अधिवेशनात विचारले जाणारे तारांकीत प्रश्नांचा ते आढावा घेत आहेत. आपल्या अनुपरिस्थितीत मुख्यालयात सर्व विभागप्रमुख, अधिकारी, कर्मचारी हे आपल्या जागेवर आहेत का नाही? यासाठी त्यांनी आता सीसीटीव्ही फुटेजची लिंक आपल्या मोबाईलवर मागवून घेतली आहेे, सोलापूर जिल्हा परिषदेत पदभार घेतल्यानंतर तीन महिने त्यांनी स्वतःला झोकून देवून काम केले आहे, अनेक वेगवेगळे उपक्रम राबवण्यासह विविध नाविण्यपूर्ण संकल्पना जिल्हा परिषदेत पहायला मिळाल्या, सर्वांमध्ये रमणारा, पदाधिकारी सदस्यांचा आदर करणारा, कर्मचार्यांच्या समस्या जाणून घेणारा अधिकारी म्हणून स्वामी यांची ओळख निर्माण झाली आहे.
