सोलापूर ! फिर्यादी मुस्ताक मोहमद युसुफ धारूल रा. गणेश पेठ सोलापूर, व त्याचा चालक असे दोघे 3 जुलै 2021 रोजी पीकअप वाहनातून सोलापूर येथून करमाळा येथे शेळया खरेदी करण्याकरीता जात होते मोहोळ येथील हॉटेल संकेत जवळील शेटफळ च्या पुढे रसत्याच्या बाजूस तीन महिला या दोन लहान मुलांना घेवून थांबल्या होत्या. त्यांनी पीकअप चालकास हातवारे करून वाहन थांबविण्याचा इशारा केल्या नंतर पिकअप चालकाने वाहन त्यांचे जवळ घेवून थांबविले असता तेंव्हा त्या महिला आम्हांस मोडनिंब पर्यंत जावयाचे आहे असे सांगितल्याने फिर्यादी यांनी त्यांना बसण्यास सांगितले.
तीन महिला पैकी दोन महिला हया दरवाजा उघडून पीकअप गाडीच्या समोरील सिटवर दोन लहान मुलास घेवून बसल्या व एक महिला ही खाली तशीच थांबली असल्याने फिर्यादी यांने तीस पीकअपच्या मागे बसा असे सांगितले असता तिने नकार दिला व समोरील सिटवर बसलेल्या महिला हया मुलांना घेवून खाली उतरल्या व आम्हांला यायचे नाही असे सांगितल्याने फिर्यादी हा पिकअप वाहन घेवून पुढे निघून गेला. फिर्यादी हा पुढे थोड्या अंतरावर मौजे अरण जवळ आल्यानंतर चालकाने पैसे व्यवस्थित आहेत का ? बघा असे सांगितल्याने फिर्यादी याने पिकअप मधील ड्रावर चेक केले असता त्यामधील पैसे ठेवलेली कॅरीबॅगच नसल्याचे समजताच फिर्यादी याने पिकअप मध्ये इतरत्र पाहिले असता त्यास पैशाची कॅरीबॅग कोठेच दिसून आली नाही. त्यामुळे फिर्यादीची पुर्णपणे खात्री झाली की,
संकेत हॉटेलच्या जवळ वाहन थांबविलेल्या तीन महिलापैकी पुढे बसलेल्या दोन महिलांनीच आमचे कॅरीबॅग मध्ये शेळया आणण्याकरीता ठेवलेले ३,२०,००रू. ची रोख रक्कम चोरली आहे म्हणून यातील फियादी यांने फिर्याद दिली वरून मोहोळ पोलीस ठाणे येथे भादविसंक ३७९, ३४ प्रमाणे गुन्हा दाखल झाला होता, स्थानिक गुन्हे शाखेचे पोलीस निरीक्षक सर्जेराव पाटील यांनी सदरचा गुन्हा उघडकीस आणणेकामी आदेशित करून यापूर्वी अशा पध्दतीचे झालेल्या गुन्हेगारांचे फोटो हे फिर्यादीस दाखवून ओळख पटविणेबाबत सुचना दिल्या.
संशयित महिला आरोपींचे ठवठिकाणाबाबत माहिती घेतली असता सदरच्या महिला या मौजे कोटी ता. करमाळा या भागातील असल्याचे समजले. त्यावरून पथक करमाळा भागात असताना माहिती मिळाली की, सदरच्या महिला हया मौजे कोर्टी ता. करमाळा गांवच्या स्टॅन्डच्या चौकातील मिठाईच्या दुकानासमोर थांबले असल्याची खात्रीशीर बातमी मिळाली. तेथेजावून त्यांना तात्काळ ताब्यात घेवून त्यांचेकडे वरील गुन्हयाचे अनुषंगाने विचारपूस करता त्यांनी सुरवातीस उडवाउडवीचे उत्तरे दिली. त्यांना अधिक विश्वासात घेवून त्यांचेकडे अधिक चौकशी केली असता त्यांनी मागील चार दिवसापूर्वी शेटफळ जवळील रस्त्यावर एक पिकअप वाहनास थांबवून वाहनात बसून त्यांची नजर चुकवून ड्रावर मधील पैशाची कॅरीबॅग चोरली असल्याचे सांगितले.
त्या दोन महिलांच्या कब्जातून गुन्हयातील चोरीस गेलेली १,८०,००० रू. रोख रक्कम जप्त करण्यात आली आहे. संशयित महिला आरोपी पैकी एक महिला ही सराईत रेकॉर्डवरील गुन्हेगार असून तिचे विरुध्द सोलापूर आयुक्तालयामध्ये अशा पध्दतीचे एकूण चोरीचे १२ गुन्हे दाखल आहेत. सदर महिलांना गुन्हयाचेकामी अटक करून मोहोळ पोलीस ठाणे येथे हजर केले असता त्यांना कोर्टाने दिनांक ९/७/२०२१ रोजी पर्यंत पोलीस कस्टडी रिमांड दिली आहे.
स्थानिक गुन्हे शाखेचे पोलीस निरीक्षक सर्जेराव पाटील यांचे नेतृत्वाखाली सफौ ख्वाजा मुजावर, पोलीस अंमलदार नारायण गोलेकर, धनाजी गाडे, मोहन मनसावाले, धनराज गायकवाड, अक्षय दळवी, चालक समीर शेख, महिला अंमलदार सरस्वती सुगंधी यांनी बजावली आहे.
