सोलापूर – सोलापूर जिल्हा शिक्षण विभागाने दिलेल्या मुख्याध्यापक पदोन्नतीत दक्षिणमध्ये नियुक्त झालेल्या व दक्षिणमधून इतरत्र नियुक्ती झालेल्या 31 नवोदित मुख्याध्यापकांचा सन्मान सोहळा दक्षिण सोलापूर तालुका प्राथमिक शिक्षक संघाच्या वतीने संपन्न झाला. हा कार्यक्रम सोलापूर जिल्हा प्राथमिक शिक्षक सहकारी पतसंस्थेच्या सभागृहात पार पडला.
या नवोदित मुख्याध्यापकांचा सन्मान महाराष्ट्र राज्य शिक्षक संघाचे सल्लागार बाळासाहेब काळे अध्यक्षस्थानी तर दक्षिणचे उपसभापती रामप्पा चिवडशेट्टी यांच्या हस्ते झाला. या व्यासपीठावर जिल्हा परिषदेचे सदस्य अमर पाटील, दक्षिण सोलापूर पंचायत समितीचे सदस्य एम.डी. कमळे, धनेश अचलारे, गटशिक्षणाधिकारी मल्हारी बनसोडे, सोलापूर जिल्हा शिक्षक संघाचे अध्यक्ष शिवानंद भरले, उत्तमराव जमदाडे, वीरभद्र यादवाड, लिंबराज जाधव, बादशहा मुल्ला, राजकुमार बिज्जरगी, सिद्राम कटगेरी व दक्षिण सोलापूर तालुका प्राथमिक शिक्षक संघाचे अध्यक्ष सुर्यकांत हत्तूरे या मान्यवरांची उपस्थिती होती .
मुख्याध्यापकांनी आपल्या कार्यकुशलतेने प्रामाणिकपणे काम करून शाळेची गुणवत्ता वाढवली तर शाळेची पटसंख्या वाढेल पर्यायाने शिक्षकांची संख्या टिकून राहील असे बाळासाहेब काळे यांनी आपल्या अध्यक्षीय भाषणात म्हणाले.
यावेळी अमर पाटील, एम डी कमळे, धनेश अचलारे, शिवानंद भरले, वीरभद्र यादवाड यांची भाषणे झाली तत्पूर्वी अध्यक्ष सूर्यकांत हत्तुरे यांनी प्रास्ताविक भाषण केले.
या कार्यक्रमात स्मिता मुराळी लिखित गंमत जत्रा या कवितासंग्रहाचे प्रकाशनही करण्यात आले.
कार्यक्रम यशस्वी करण्यासाठी सरचिटणीस सतीश वाले, व्हा. चेअरमन मल्लय्या मठपती, महिला आघाडीच्या अध्यक्षा विद्या जगताप, प्रसिद्धीप्रमुख पूर्णानंद घेरडी, सहसचिव विनोद कोळी, शिवय्या मसुती, धर्मराज तेली, भिमराव पाटील, सु.च. पाटील आदींनी परिश्रम घेतले तर केंद्रप्रमुख शिवय्या स्वामी साहेब, आप्पाशा उंबराणी, नजमुन्निसा मुजावर, अंजली जमखंडीकर, सरचिटणीस स्मिता मुराळी,अपेक्षा रणदिवे, सीमा देशपांडे, जयश्री मराठे, श्रीशैल बिराजदार, महादेव पाटील, दयानंद वठारे, मुख्याध्यापक अंबण्णा ईश्वरकट्टी, संजय देवकते, काशिनाथ विजापूरे, बिरप्पा वाघमारे, चनमलप्पा चिट्टे, सह शिक्षक संघाचे पदाधिकारी व बहुसंख्य शिक्षक उपस्थित होते.कार्यक्रमाचे सूत्रसंचालन महिबूबसाब सवार यांनी केले तर आभार प्रदर्शन शिवय्या मसुती यांनी केले.
