“जिओ महानेट कंपनीने प्रभाग 20 आणि 21 मध्ये खोदकाम करत असताना पिण्याच्या पाईप लाईन फोडल्यामुळे प्रभागांमध्ये लाखो लिटर पाणी वाया गेल्याचे पहावयास मिळाले”
सोलापुर शहर हद्दवाढ भागात रिलायन्स जीओ या कंपनीचे महानेट या कामांची अनाधिकृत लाईन घालण्याचे काम सुरू असून यामध्ये संपुर्ण सोलापुर शहरातील 107 कि.मी. परिसरात हे काम होत आहे. यामध्ये प्रभाग 20 मधील कुमठा नाका चौक ते शिवगंगा नगर ते मरहबा हाॅल या परिसरात काम सुरू आहे या कामासाठी महापालिका प्रशासनाकडुन निशुल्क परवानगी देण्यात आल्याचे समजते.
यासंबंधी संबंधित अधिकाऱ्यांना विचारणा केली असता हे काम केंद्रशासन स्तरावरून सुरू असल्याचे सांगितले यामध्ये संबंधित कामांवर कोणाचेही नियत्रंण नसून मोघम स्वरूपात परवानगी देण्यात आल्याने संबंधित कंपनीकडुन मनमानी पध्दतीने काम सुरू आहे या कामामध्ये पाण्याची पाईपलाईन,ड्रेनेज लाईन रस्ते उखडून अनाधिकृत काम सुरू असल्याची तक्रार प्रभागातील नागरिकांनी सभापती अनुराधा काटकर यांच्याकडे केली
त्यानंतर श्रीधर काटकर यांनी प्रत्यक्ष पाहणी केली असता प्रभागातील रस्ते,पाण्याची पाईपलाईन,ड्रेनेज लाईनचे नुकसान करत काम सुरू असल्याचे दिसून आले. दरम्यान यासंबंधी नगरसेवकांनी पोलिसांमध्ये तसेच झोन कार्यालयात तक्रार दिली आहे. संबंधित कंपनीने प्रभाग 20 व 21 मध्ये असलेली 8 इंची पाईपलाईन काम करताना फोडून 3 दिवस उलटुन गेले तरी याची दुरुस्ती करणे आवश्यक समजले जात नसल्याचे दिसून येत आहे या ठिकाणी पिण्याची पाईप लाईन फुटल्याने लाखो लिटर पाणी वाया गेले असुन देखील महापालिका प्रशासन पाणी पुरवठा मध्ये कुचकामी ठरत आहे
हद्दवाढ भागात 6 ते 7 दिवसांनी पाणी येते त्यात या महानेटच्या कामामुळे नागारिकांनी पाणी व्यवस्थित न मिळाल्याने नागरिकांच्या रोषाला नगरसेवकांना सामोर जाव लागत आहे याबाबतची तक्रार सभापती अनुराधा काटकर यांनी पालिका आयुक्त तथा नगरअभियंता यांना करून हे काम तात्काळ बंद करावे अन्यथा याची तक्रार दुरसंचारमंत्री यांच्याकडे करून कामावर प्रतिबंध आणणार असल्याचे सभापती अनुराधा काटकर यांचे चिरंजीव श्रीधर काटकर यांनी सांगितले.
